EdTV

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Edtv
Edtv
EdTV.png
La DeGeneres e McConaughey in na figùra dal film
id.
1999
Regia: Ron Howard
Scritùr: Lowell Ganz
Atùr: Matthew McConaugheyWoody Harrelson
Jenna ElfmanSally KirklandEllen DeGeneres
Martin LandauRob ReinerDennis Hopper
Elizabeth HurleyAdam GoldbergGreg Sestero
Jim MeskimenGeoffrey BlakeJohn Livingston
Müsica: Randy Edelman
Lengua: Ingléś
Dürä dal film: 123 minüt
Nasiòṅ: Stat Unî


«
La stòria 'd un ninsòṅ che tut i guàrdan.»
(Tagline dal film)


EdTV (id.) 'l è na cumèdia americàna dal 1999 ad Ron Howard preśentàda fóra cuncōrs a 'l 52śum Fèstival ad Cannes. Al film al n è briśa stâ bòṅ ad purtàr a cà al spéśi, muciànd sù sōl trénta-sinc migliòṅ a 'l incìrca a frònt 'd un cóst 'd utànta.

Par la culòna sunóra dal film, i Bon Jovi aṅ scrit la canta Real Life.

Sunt

La Cynthia Topping (Ellen DeGeneres) l'è la diretōra dal canàl via caṿ americàṅ "True TV". Par cumbàtar al câl di ascōlt, chi lē la strùlica l'idéa ad tōr śò un persunàǵ cumùṅ vint-quàt'r óri su vint-quàtar. La 'l sarnìs in un bar ad Los Angeles. Al furtunâ 'l è un ragàs ad trént' an, Ed Pekurney (Matthew McConaughey), òṅ ch'al lavóra in un negòsi ch'al fita al caséti vìddeo. Chi lò al gh astà, tgnénd a drē anc a i cunsìli ad sò fradèl Ray (Woody Harrelson).

A partìs acsè al reality show "EDTv" e 'l è un sucès parchè al dvénta subìt al prugàma televiśìṿ più vist dal paéś. A 'l inìsi al cambiamènt ad vita al pâr divertènt p'r Ed, ch'in cal méntar al frég' anc la muróśa Shari (Jenna Elfman) a sò fradèl, ma pò al ròbi i tac'n a far-as péśi. Tut 'd un trat a s fà viṿ sò pàdar Hank (Dennis Hopper), ch'l éra andâ via da cà soquànt an prima, e cal lavōr lè al fà patìr dimóndi sò màdar Jeanette (Sally Kirkland) e 'l sò secónd marè Al (Martin Landau), malâ e custrét a vìv'r insìma a na scrana a rudèli.

Par réndar cuntènt i spetadōr, a Ed i gh fànan cgnósar la Jill (Elizabeth Hurley), una ch'la vōl sfundàr in televiśiòṅ a tut i cóst.

Culegamènt estéran