Mars Attacks!

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Mars Attacks!
Mars Attacks!
Mars attacks.png
Jack Nicholson e la Glenn Close in na figùra dal film
Mart a 'l atàc!
1996
Regia: Tim Burton
Scritùr: Jonathan Gems
Atùr: Jack NicholsonLukas HaasGlenn Close
Sylvia SidneyJim BrownAnnette Bening
Pam GrierTom JonesPierce Brosnan
Rod SteigerDanny DeVitoNatalie Portman
Sarah Jessica ParkerMichael J. Fox
Müsica: Danny Elfman
Lengua: Ingléś
Dürä dal film: 101 minüt
Nasiòṅ: Stat Unî


«
Bèl pianéda: a 'l tulém!»
(Tagline dal film)


Mars Attacks! (Mart a 'l atàc!) l'è na cumèdia americàna dal 1996 ad Tim Burton.

Custâ sènt migliòṅ ad dòlar, al film al gh l'à cavàda a la fiṅ a parśàr i cònt.

Sunt

La Tèra la gh'à da patìr l'invaśiòṅ di Marsiàṅ, rivâ in dal nòstar mónd c'n i sò disc vulànt. Al presidènt di Stat Unî, Jim Dale (Jack Nicholson), e la first lady Marsha (Glenn Close) i próan a far-'s-i amìg dand vita a na fèsta a Pahrump in dal Nevàda in unōr di viśitadōr. Tut al mónd al pōl tgnir a drē a la manifestasiòṅ in televiśiòṅ, putènt e gint cumùna cuma 'l furnàr śōvan Richie Norris (Lukas Haas), ch'al gh'à da la sua sò nóna Florence (Sylvia Sidney) ma minga i sò genitōr ch'i gh preferìsan sò fradèl Billy Glenn (Jack Black) ch'al fà 'l militàr, o anc 'l ex pùgil Byron Williams (Jim Brown) ch'al fà 'n lavōr da quàtar sòld cun na famìja a càrag, sò mujér Louise (Pam Grier) e dū fiōi.

Par dascórar c'n i Marsiàṅ, gl'americàṅ i dróan un tradutōr universàł invintâ p'r al prufesōr Kessler (Pierce Brosnan). Ma cal machinèṅ lè al sarvìs a pôc parchè gl'aglièṅ i tàc'n a masàr tut gl'umàṅ ch'i s càtan davànti quànd 'n hippie sénsa critéri al mòla in cēl na clómba biànca in ségn ad paś. Prima 'd andàr via, i Marsiàṅ i s pòrtan sèg la giurnalìsta Nathalie Lake (Sarah Jessica Parker) e 'l sò cagnulèṅ par far di esperimènt.

La guèra c'n i Marsiàṅ l'è péna tacàda.

Culegamènt estéran