Batman - Il ritorno

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Batman Returns
Batman - Il ritorno
Batman returns.png
La Pfeiffer la dà 'n baś sóta 'l visć a Keaton
Batman - Al ritóran
1992
Regia: Tim Burton
Scritùr: Bob Kane • Sam Hamm • Daniel Waters
Atùr: Michael KeatonMichelle PfeifferPat Hingle
Danny DeVitoChristopher WalkenJan Hooks
Michael MurphyAndrew BryniarskiSteve Witting
Vincent SchiavelliAnna KatarinaPaul Reubens
Cristi ConawayMichael GoughRick Zumwalt
Müsica: Danny Elfman
Lengua: Ingléś
Dürä dal film: 121 minüt
Nasiòṅ: Stat UnîRégn Unî


«
Pòvar ragàs, a cunfundî sèmp'r al vòstri pistòli c'n i vòstar pistulèṅ.»
(Batùda dla Catwoman a dū pulisiòt)


Batman - Il ritorno (Batman - Al ritóran) l è 'n film fantàstic dal 1992 ad Tim Burton ch'al tōś ispirasiòṅ da 'l fumét creâ par Bob Kane. 'L è al séguit dal film Batman dal 1989, sèmpar girâ da lò, e al véd 'l Óm Papastrèl (incóra na vòlta Michael Keaton) cumbàtar còntra la Dóna Gata (Michelle Pfeiffer) e al Pinguèṅ (Danny DeVito). Al catìṿ ad tùran 'l è al persunàǵ ad Max Shreck, interpretâ par Christopher Walken.

Custâ 80 migliòṅ ad dòlar, al film al 'n à catâ sù 267, ad méno da 'l prim film (ch'al 'n à fat 411), ma listés un bèl sucès anc s'al s è bcâ dal crìtichi parchè batśâ tròp dark e minga adàt a di putèṅ.

La culòna sunóra dal film l'è òpra ad Danny Elfman, cun anc un braṅ di Siouxsie and the Banshees, Face to Face.

Sunt

A Gotham City, durànt al fèsti ad Nadâl, i ric spóś Cobblepot, Tucker (Paul Reubens) e l’Ester (Diane Salinger), i daṅ a la luś un fiōl dasfurmâ. A n vlénd-al minga, i dū i próan a masàr-al butànd-al, cun la sò cuna, in un fiùm ma lò al la scampa listés finénd in dla canaléta dla sità in dua al vèṅ tirâ sù da di pinguèṅ.

Trénta-tri an dòp 'n industriàl sénsa scrùpui, Max Shreck (Christopher Walken), al vōl far di afâr miténd sù na sentràla lètrica. Par far-al, al n s fà minga di prubléma a butàr śò par na fnèstra la sò segretària, la Selina Kyle (Michelle Pfeiffer), ch'l'éra gnuda a savér in cal méntar di quèi minga tant bèi in di sò cunfrònt. Stablìda par tèra in mèś a la néṿ, i rìvan in sò ajùt di gat randàś ch'i l'armét'n in vita e lē la s mét in tèsta ad pascàr vindéta sóta 'l custùm négar, cuśî in na nòt, ad Catwoman, la Dóna Gat.

Shreck al fà 'n pat cun al fiōl di Tucker che, dvintâ grand, 'l iva tòlt la mascra dal Pinguèṅ (Danny DeVito). Chi lò al vōl cgnósar i nóm di sò genitōr méntar Max al al vōl far dvintàr sìndic par purtàr in pòrt i sò prugèt da laśaròṅ.

Cónt'r ad lōr a s mét ad travèrs Batman (Michael Keaton).

Culegamènt estéran