Alice in Wonderland (film 2010)

Da Wikipedia.

C'l artìcul chè 'l è scrit in Miranduléś Emiliàn

Alice in Wonderland
Alice in Wonderland

Depp e la Wasikowska in na figùra dal film
Alice in dal Paéś da Maravìi
2010
Regìa: Tim Burton
Scritōr: Lewis Carroll • Linda Woolverton
Atōr: Mia WasikowskaHelena Bonham Carter
Johnny DeppAnne HathawayCrispin Glover
Matt LucasMarton CsokasLindsay Duncan
Müsica: Danny Elfman
Léngua: Ingléś
Dürä dal film: 108 minüt
Nasiōṅ: Stat Unî


«
A n gh'è gnanc un pòst su la Tèra cuma 'l pòst ch'a n gh'è briśa!»
(Tagline dal film)


Alice in Wonderland (Alice in dal Paéś da Maravìi) 'l è 'n film fantàstic americàṅ dal 2010 ad Tim Burton prudót par qvéi dla Walt Disney Pictures, trat da 'n rumànś dal scritōr britànic Lewis Carroll.

Custâ fra i sènt-sinquànta e i duśènt migliòṅ ad dòlar, al film al 'n à pò fat sù da piò 'd un migliàrd e 'l à anc vins dū Prèmi Òscar, p'r i custùm e par la senugrafìa.

Sunt

Rivàda a daśnóṿ an l’Alice Kingsleigh (Mia Wasikowska) la gh'à sèmp'r in mènt di insùnmi ad quànd l'éra pìcula (Mairi Ella Challen) 'd un mónd fantàstic cun di persunàǵ strâṅ. Ma a n éra minga 'n insùni a dir dabòṅ ma 'n mónd lugâ sót-tèra ciamâ “Sotmónd” e l’Alice la 'l capìs finénd-ag dèntar tgnénd adrē a 'n cunèṅ, al Cunèṅ Biànc, méntar l'éra drē a śluntanàr-as da na fèsta in du la gh'iva da spuśàr malvluntéra 'n lord ingléś rós ad cavìi ciamâ Hamish Ascot (Leo Bill).

A “Sotmónd” la ragàsa la cgnós al Calìf-Ruga, al Stri-Gat, la Lévra Marsulìna, i baghét śmèi e budlòṅ Pincopanco e Pancopinco (Matt Lucas) e 'l Caplàr Mat (Johnny Depp) ch'al la juta in dla sò batàja cóntar la Regìna Rósa (Helena Bonham Carter) ch'la vōl tajàr la tèsta a tut qvéi ch'i gh s métan cóntar.

Culegamènt estéran