Love Gun
Aspetto
C'l artìcul chè 'l è scrit in Miranduléś |
«
Things are complicating, my love is in her hands and there's no more waiting, she understands, the plaster's gettin' harder and my love is perfection, a token of my love for her collection, her collection, plaster caster, grab a hold of me faster and if you wanna see my love just ask her and my love is the plaster, and yeah, she's the collector.»
(EN)(Plaster Caster, 1977)
«
Al ròbi i eṅ cumplicàdi, al mè amōr 'l è in dal sò maṅ e a n gh'è più tèmp, lē la 'l sà, al śés 'l è drē a indurìr-as e al mè amōr 'l è parfèt, un pôc dal mè amōr par la sò culesiòṅ, inśesadōra fà in présia a ciapàr-al e s'at vō véd'r al mè amōr dmand'g-'l a lē, al mè amōr 'l è śés e lē la 'l tîṅ dacàt.»
(MUD)
Love Gun 1977 | ||
Kiss | ||
---|---|---|
Tip 'd àlbum: studi | ||
Gènar: Hard rock | ||
Etichéta: Casablanca Records | ||
Num'r ad braṅ: 10 | ||
Duràda: 32:57 minùt | ||
Sìngui: Christine Sixteen Love Gun • Then She Kissed Me | ||
Precedènt: Rock and Roll Over | ||
Sucesìṿ: Alive II |
Love Gun 'l è 'l sèst àlbum in studi dal grup Hard rock di Kiss. 'L è stâ publicâ al 30 ad Śugn dal 1977 cun la prudusiòṅ 'd Eddie Kramer e 'l è dvintâ disc ad plàtin. La cupertìna l'è stada fata par Ken Kelly.
Gene Simmons al dèdica 'l pès Plaster Caster a la Cynthia Plaster Caster, na ex groupie ch'la s éra misa a far di calc in śés di cas di óm ch'la s purtàva a lèt cum anc Jimi Hendrix. Da 'l cant suo, Ace Frehley al canta chè par la prima vòlta in dal braṅ scrit da lò Shock Me.
I sìngui tirâ fóra da cal lavōr chè i èṅ Christine Sixteen, Love Gun e Then She Kissed Me, qvést chè cover 'd un vèć sucès di an Ssanta dal Crystals ciamâ Then He Kissed Me.
Braṅ
- I Stole Your Love (Stanley) 3:04 – vōś: Stanley
- Christine Sixteen (Simmons) 3:12 – vōś: Simmons
- Got Love For Sale (Simmons) 3:28 – vōś: Simmons
- Shock Me (Ace Frehley) 3:47 – vōś: Frehley
- Tomorrow And Tonight (Stanley) 3:38 – vōś: Stanley
- Love Gun (Stanley) 3:16 – vōś: Stanley
- Hooligan (Criss, Stan Penridge) 2:58 – vōś: Criss
- Almost Human (Simmons) 2:48 – vōś: Simmons
- Plaster Caster (Simmons) 3:25 – vōś: Simmons
- Then She Kissed Me (Jeff Barry, Ellie Greenwich, Phil Spector) 3:01 – vōś: Stanley
Furmasiòṅ
- Paul Stanley - vōś, chitàra, bas (in dal sèst braṅ)
- Gene Simmons - vōś, bas, piàṅ
- Ace Frehley - vōś, chitàra sulìsta
- Peter Criss - vōś, baterìa