Gene Simmons

C'l artìcul chè 'l è scrit in Miranduléś

Chaim Weitz, cgnusû méj cuma Gene Simmons ma anc cuma Eugene Klein (Tirat Carmel, 25 'd Agóst dal 1949) 'l è 'n cantànt, basìsta e atōr iśraeliàṅ naturaliśâ americàṅ, cgnusû prinsipalmènt p'r ès'r òṅ di mémbar fundadōr dal grup hard rock di Kiss in du al gh'è sèmpar stâ da 'l inìsi esénd-'n al leader insém a 'l chitarìsta Paul Stanley méntar lò al sòna 'l bas. In di cuncèrt 'l è famóś p'r al sò nùmar dal „magna-fōg“ e par sbrudlàr sànguv par la bóca.

Al sò scutmàj 'l è Dèmun par via dal custùm e dla mascra ch'al s éra sarnî p'r al sò persunàǵ. 'L à scrit, da par lò o insém a di àtar, dimóndi sucès dal grup cuma Deuce, She, Rock and Roll All Nite, Unholy, I Love It Loud, Calling Dr. Love e She. In dal 2004 'l à fat vgnir fóra 'n disc sulìsta ciamâ Asshole scrit cun la culaburasiòṅ ad Bob Dylan, Dave Navarro, Richie Kotzen, Dweezil Zappa e Bruce Kulick.

Da i an Utànta 'l à tacâ anc na caréra da atōr tulénd part a soquànti pelìculi cuma Runaway (cun Tom Selleck prutagunìsta) e Morte a 33 giri insém a Ozzy Osbourne.

Gene 'l è bòṅ ad dascórar in tri léngui: ingléś, Iśraeliàṅ e Ungheréś, qvésti chè parchè 'l è ebrèj cun di urìgin magiàri (sò màdar Flóra l'è scampàda da 'n camp ad stermìni naśìsta). Al gh'à abû dal stòri 'd amōr cun la Cher e cun la Diana Ross prima 'd spuśàr-as cun l'èx cunìna 'd Playboy Shannon Tweed ch'la gh'à dâ dū fiōi, Nick e la Sophia.

Discugrafìa

da par lò

1978 - Gene Simmons
2004 - Asshole

c'n i Kiss

1974 - Kiss
1974 - Hotter Than Hell
1975 - Dressed to Kill
1975 - Alive!
1976 - Destroyer
1976 - Rock and Roll Over
1977 - Love Gun
1977 - Alive II
1978 - Paul Stanley
1979 - Dynasty
1980 - Unmasked
1981 - Music From "The Elder"
1982 - Creatures of the Night
1983 - Lick It Up
1984 - Animalize
1985 - Asylum
1987 - Crazy Nights
1989 - Hot in the Shade
1992 - Revenge
1997 - Carnival of Souls: The Final Sessions
1998 - Psycho Circus
2009 - Sonic Boom
2012 - Monster

Filmugrafìa

1984 - Runaway, regìa ad Michael Crichton
1986 - Mai troppo giovane per morire (Never Too Young to Die), regìa ad Gil Bettman
1986 - Morte a 33 giri (Trick or Treat), regìa ad Charles Martin Smith
1987 - Wanted vivo o morto (Wanted: Dead or Alive), regìa ad Gary Sherman
1989 - Giovani iene (Red Surf), regìa ad H. Gordon Boos
1999 - Detroit Rock City, regìa ad J. Peter Robinson
2001 - My First Mister, regìa dla Christine Lahti
2001 - Wish You Were Dead, regìa dla Valerie McCaffrey
2002 - Un ragazzo tutto nuovo (The New Guy), regìa 'd Ed Decter
2005 - Be Cool, regìa ad F. Gary Gray
2008 - Detroit Metal City (Detoroito Metaru Shiti), regìa ad Toshio Lee
2009 - Extract, regìa ad Mike Judge
2010 - A Very Mary Christmas, regìa ad Dan Gordon
2016 - Proprio lui? (Why Him?), regìa ad John Hamburg
2017 - Armed Response, regìa ad John Stockwell

Culegamènt estéran