Il cartaio

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Il cartaio
Cartaio.png
Liam Cunningham e la Rocca in na figùra dal film
Al cartàr
2004
Regia: Dario Argento
Scritùr: Dario Argento • Franco Ferrini
Atùr: Liam CunninghamClaudio Santamaria
Stefania RoccaSilvio MuccinoFiore Argento
Adalberto Maria MerliElisabetta Rocchetti
Mia BenedettaCosimo FuscoVera Gemma
Müsica: Claudio Simonetti
Lengua: ItagliàṅIngléś
Dürä dal film: 99 minüt
Nasiòṅ: Itàglia


«
Un sasèṅ seriàł c'n al visi dal video-poker.»
(Tagline dal film)


Il cartaio (Al cartàr) 'l è 'n śal dal 2004 ad Dario Argento girâ a Róma. 'L è stâ girâ c'n un budget stimâ ad dū migliòṅ 'd euro faghénd-an pò sù dagnóra tri.

Sunt

L’Anna Mari (Stefania Rocca) la fà la pulisiòta a Róma in dua l'è impgnàda a catàr na turìsta ingléśa ch'l'è sparìda. Méntar l'è drē a lauràr a 'l computer a cà sua la ricév un mesàǵ da 'n tisi ch'al s fà ciamàr “Al cartàr” ch'al gh diś ch'la dóna la gh l'à lò e ch'al vōl śugàr la sò vita a 'l video-poker cun la pulisìa. In cumisariâ l’Anna la s culéga a 'l sit ch'al manìac al gh'à dit e cun la webcam la véd la vitma. Al sò cap (Adalberto Maria Merli) però al gh pruibìs ad śugàr e l'ingléśa la vèṅ cupàda. A jutàr-la a far-ag luś su 'l caś a riva 'l ispetōr irlandéś John Brennan (Liam Cunningham) e fra i dū a nas quèl p'r al daspiaśēr dal sò culéga Carlo Sturni (Claudio Santamaria).

Quànd al cartàr al tōś n'atra ragàsa la pulisìa l'è custréta a far-as na maṅ ad poker c'n al sasèṅ. A śugàr 'l è Carlo ma al n gh la cava minga a vìns'r e la śōvna la vèṅ masàda. In dal sò cadàvar, in di uréci, i gh càtan dla scménsa dla pasiflòra. In séguit, par salvàr la vita dla fiōla dal questōr, la Lucia (Fiore Argento), la pulisìa la ciàma in ajùt un śōvan ch'al s la cava dimóndi bèṅ c'n al poker, Remo (Silvio Muccino). Chi lò al gh la cava a vìnsar c'n al cartàr ch'l è acsè custrét a libràr la Lucia. Par festegiàr al ragàs al decìd pò 'd andàr a cumpràr-as dla dròga ma al finìs vitma dal manìac.

Culegamènt estéran