Giallo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Giallo
Giallo.png
Adrien Brody e la Seigner in na figùra dal film
Śal
2009
Regia: Dario Argento
Scritùr: Dario Argento • Jim Agnew • Sean Keller
Atùr: Adrien BrodyEmmanuelle Seigner
Elsa PatakySilvia SprossDaniela Fazzolari
Valentina IzumiRobert MianoLorenzo Pedrotti
Müsica: Marco Werba
Lengua: ItagliàṅIngléśGiapunéś
Dürä dal film: 89 minüt
Nasiòṅ: Stat UnîRégn UnîItàgliaSpaggna


«
La vitma a vgnir at prév èsar tè.»
(Tagline dal film)


Giallo (Śal) 'l è 'n film ad scarésa dal 2009 ad Dario Argento girâ a Turèṅ.

Al film 'l è custâ quatórdas migliòṅ ad dòlar ma in Itàglia al 'n à catâ sù sōl darsèt-mila. Al prutagunìsta Adrien Brody, ch'al fava anc la part ad Flavio Volpe al "Śal" cun al nóm anagramâ ad Byron Deidra, 'l à fat càuśa a i prudutōr in dal Nuvémbar dal 2010 parchè al n éra briśa stâ pagâ.

Al film 'l è vgnû fóra al 3 ad Nuvémbar dal 2010 diretamènt p'r al marcâ d'l home video, par qvéi dla Dall'Angelo Pictures. Sōl in séguit la Lumière Group Multimediale l'à distribuî la pelìcula in dal sali di cìnema da 'l 1 ad Luj dal 2011 cun al tìtul ad Giallo/Argento.

Sunt

Faghénd finta 'd èsar un tasìsta ad mistēr, 'n óm al rapìs a Turèṅ dū ragasōli, la Keiko (Valentina Izumi) e la śóvna mudèla Celine Jefferson (Elsa Pataky). Chi lē, prima 'd èsar purtàda via, l'éra drē a dascórar a 'l telefunèṅ cun sò surèla Linda (Emmanuelle Seigner). In pinsér par la telefunàda finìda mâl tut 'd un trat e p'r al fat che la Celine la n éra minga turnàda a cà, la Linda la và da la pulisìa a dascórar cun 'l ispetōr Enzo Avolfi (Adrien Brody), òṅ ch'l à decìś ad far cal lavōr lè dòp avér scurtlâ a mòrt al maslàr ch'l iva cupâ sò màdar sóta i sò òć.

Enzo 'l è sicûr 'd èsar insaplâ cun un serial killer ch'l è drē a pascàr da dimóndi tèmp, un manìac cgnusû cuma "al Śal" ch'al turtùra e pò al cópa al sò vitmi, sèmpar dal dóni bèli e furastéri, méntar lò invéci 'l è dasfurmâ.

Quànd la Keiko la vèṅ catàda in un sac ad plàstica, prima 'd murìr la gh la cava a bacajàr na préga e pò a dir par soquànti vòti “'L è śal”. A la Linda a gh vèṅ in mènt ch'al śal a prév èsar al culōr dla pèla 'd un malâ ad fégat.

Culegamènt estéran