Vai al contenuto

Gùcia

Da Wikipedia.

C'l artìcol chè 'l è scrit in Carpśàn Emiliàn

Soquànti gùci dal dè 'd incō.
Na téca cun di catamèint préistòric e anca dal gùci da l' Evròpa edl Est.

La gùcia l'è cal strumèint ch'a s dróva per cuśìr, cun la punta da na pêrt e 'n buśèin p'r al fîl da cl'ètra banda. La s dróva masimamèint per mèt'r insèm tra 'd lōr, cuśènd-i, dal pèrti 'd tisû, 'd curàma, 'd budèla, ed materiē sintètic, e in generêl di quêl ch' i tègnen a bóta sòt'a 'l só pungigliòun e ch'i s lasen però punśer. Al materiêl druê a 'l dè d'incō per fabrichèr el gùci, 'l è 'l asêr (reśistèint e inusidàbil).
A gh' è dimòndi varietê 'd gùci, a seconda 'd quêl ch'i gh'àn da cuśìr: sutìli o gròsi, curti o lunghi, cun la punta tonda (per la lana) o triangulèra (p'r al curàm e la pèla), o anca lunghi e curvi quànd i servìsen a 'l scarpulèin; a gh'è pò 'l gùci 'dla màchina da cuśìr ch'i gh' àn al cûl per sfrucèr al fîl dala stèsa pêrt edla pùnta, mèinter che da cl èter cô a gh' è sōl la tolta sù per la màchina.

In dal pasê

L'archiulugìa, grasi ai só scavamèint, l'à catê dal gùci già in n'antichitê dimòndi luntàna dla preistòria, quand i gniven fabrichèdi cun di ôs o anca 'd lègn.

Manéri 'd dìr

  • (MUD) Buś dla gàccia, (IT) Cruna dell'ago.[1]
  • (CARPŚ) Cûl dla gùcia, (IT) Cruna dell'ago.[2]
  • (CARPŚ) Gùcia da furmàj,[3] (IT) Ago da formaggio.
  • (CARPŚ) Gùciòun da cavî,[4] (IT) Spillone per capelli.
  • (CARPŚ) Impusìbil c'ma catèr na gùcia ind un pajêr, (IT) (lett.) Impossibile come trovare un ago in un pagliaio, (fig.) Impresa pressoché impossibile.
  • (CARPŚ) A n'gh'è mìa biśògn ed fèr la punta a 'l gùci,[5] (IT) (lett.) Non c'è bisogno di fare la punta agli aghi, (fig.) Non si deve essere eccessivamente meticolosi.
  • (BLG) Agåccia o éndizz dla balànza, (IT) Ago o indice della bilancia.[6]
  • (BLG) Agåccia o bṡéi dl'èv,[7] (IT) Pungiglione dell'ape.
  • (BLG) Am è avanzè al bṡéi satta ala pèl,[8] (IT) Mi è rimasto il pungiglione sotto la pelle.
  • (BLG) Agåccia dscrunè, (IT) Ago rotto nella cruna.

Vôś lighèdi

Noti e referèinsi

  1. ↑ (MUD) e (IT) "A m'arcòrd - Dizionario enciclopedico del dialetto modenese", dal Sander Bellèi, Frèra 1999.
  2. ↑ (CARPŚ) e (IT) Dizionario del dialetto carpigiano, G. Malagoli e A. M. Ori, Mòdna 2011.
  3. ↑ Ibidem.
  4. ↑ Ibidem.
  5. ↑ Ibidem.
  6. ↑ (BLG) e (IT) Dialetto bolognese ieri e oggi - Raffronti fra vocaboli, dal Gigén Lîvra, ed. Pendragon, Bulògna 2011, pâǵ. 11.
  7. ↑ Ibidem.
  8. ↑ Ibidem.

Èter progêt

Colegamèint estèren

Estratto da "https://eml.wikipedia.org/w/index.php?title=Gùcia&oldid=113525"