Gabriella Germani
|
C'l artìcul chè 'l è scrit in
Miranduléś |
La Gabriella Germani l'è n'imitadōra itagliàna.
Biugrafìa
La Gabriella Germani la nas a Sora in pruvìnsa ad Fruśinòṅ al 20 'd Avrìl dal 1969. Carsùda a Arce, laureàda in léǵ, la fà al sò debùt in televiśiòṅ in dal 1996 in dal prugràma ad Canale 5 Sotto a chi tocca, cundót par Pippo Franco. Bèṅ prèst la s dà a l'imitasiòṅ di persunàǵ famóś.
Fra al sò imitasiòṅ i gh'èṅ quéli ad Mara Venier, Simona Ventura, Ela Weber, Barbara Palombelli, Alessandra Mussolini, Michela Vittoria Brambilla, Monica Setta, Emma Bonino, Laura Boldrini, Asia Argento, Maria De Filippi, Serena Dandini, Mara Carfagna e Monica Bellucci. Quand l'ìmita quésta chè, la dascór tuta cumpìda ma quand pò la la ciàma sò màdar a' l telefunèṅ, a gh vèṅ fóra al sò acènt ùmbar dimóndi marcâ e la taca a dascórar cuma una dal pòpul.
Dòp soquànti culaburasiòṅ cun Pier Francesco Pingitore, la lavóra a Viva Radio2 cun Fiorello e Marco Baldini in dal 2001 (la i ciàma da spés tulénd in gir la fiōla ad Dario Argento). La s fà nutàr anc a Domenica in in dal 2002 par pasàr 'l an dòp a Mai dire Domenica.
In séguit la s impéggna a Markette ad La7, la fa di uspitàdi a 'l Dopofestival in dal Festival ad Sanremo dal 2007, sèmpar a fianc ad Piero Chiambretti e in dal prugràma 'd infurmasiòṅ Matrix 'd Enrico Mentana.
A partìr da 'l Avrìl dal 2010 l'è in dal cast còmic dal spetàcul Voglia d'aria fresca, cundót par Carlo Conti su Raiuno.