Mara Venier
|
C'l artìcul chè 'l è scrit in
Miranduléś |
La Mara Venier (Venèsia, 20 'd Utóbar dal 1950) l'è na cundutóra dla televiśiòṅ e atōra itagliàna. L'è cgusùda anc c'n al scutmàj ad La sgnóra dla Dméndga p'r avér cundót par dimóndi an al prugàma Domenica In. Al sò nóm véra 'l è Mara Provoleri.
Biugrafìa
Dòp avér visû da śóvna a Mèstar, in dal 1971 Mara Venier la s trasferìs a Róma par tacàr a lauràr faghénd l'atóra. La fà na part in dal film Diario di un italiano (Diàri 'd un itagliàṅ) dal 1973 in dua la s cava śò cumpletamènt. Sèmpar in chi an lè, la rècita in d'l epiśòdi La bambola dla sèrie TV La porta sul buio (’L us in sal buj) ad Dario Argento.
Dòp soquànt film, in dal 1980 la gira Zappatore (Sapadōr), un film cult 'd Alfonso Brescia cun Mario Merola. Insém a 'l sò cumpàgn 'd in alóra Jerry Calà la s impéggna in dla pelìcula Al bar dello sport (A 'l bar spòrt) dal 1983. In dal 1987 la fà la putàna Stella in dal film ad Franco Ferrini Caramelle da uno sconosciuto (Caramèli da 'n furastēr) mént'r in dal 1989 la lavóra par Sergio Corbucci e 'l sò Night Club.
In di an Nuànta la fà in tèmp a cumparìr in d'l ùltim film ad Nanny Loy (Pacco, doppio pacco e contropaccotto, Pac, pac dópi e còntar-pàc) par pò tacàr a giràr in soquànti fiction par la televiśiòṅ.
In dal 1993 Carlo Fuscagni al la ciàma par cundùr al prugràma dla Dméndga Domenica In e l'è un sucès clamuróś. Mara la và avànti par quàt'r an acsè. In cal mèntar la tóś anc part a 'l quiz ad Rai1 Luna Park par pò pasàr a Mediaset in dal 1997. Da 'd là però al ròbi i n vaṅ minga tant bèṅ e al sò Ciao Mara 'l è un flop.
La tórna in si sò pas in dal 2000 e par la Rai la cundùś Fantastica Italiana insém a Massimo Lopez. Incóra prima l'éra muntàda par gnanc dū minùt in sal palc dal spetàcul dal viṿ Katia e Mara verso l'oriente insém a la Katia Ricciarelli prima ad dar gh a muć e mulàr incòsa par via dal dilùvi che in cal mèntar 'l éra gnû śò in sla sò tèsta.
Dòp soquànti edisiòṅ incóra ad Domenica In in dal 2010 la cata un cuntràt par preśentàr al prugàma dal dopmeśdè La vita in diretta, prima cun Lamberto Sposini e pò cun Marco Liorni.
Vita privàda
A Mèstar l'à cgnusû 'l atōr Francesco Ferracini e sèg la gh'à abû la fióla Elisabetta (dvintàda pò cundutóra televiśìva a sò vòlta). I dū i s èṅ pò spuśâ ma al matrimòni 'l è andâ in malóra in pôc tèmp.
La gh'à un fiōl anc da 'l atōr Pier Paolo Capponi (Paolo) che però al viṿ da sèmpar cun al pàdar e la sò nóva mujér Isabella Peretti, anc s'al tribunàl di minōr al 'l iva dâ in cunséggna a la màdar naturàla.
In dal 1984 l'à spuśâ 'l atōr Jerry Calà ma pò la s è divìśa 'l an dòp. In séguit la s è misa cun Renzo Arbore in fiṅ a 'l 1997.
L'è spuśàda cun 'l editór Nicola Carraro da 'l 28 ad Śugn dal 2006 e sèg la s cata dimóndi bèṅ [1].
Televiśiòṅ
- Una rotonda sul mare (Canale 5, 1990)
- Cantagiro (Rai 1, 1991-1992)
- Domenica in (Rai 1, 1993-1997, 2000-2005)
- Dopofestival di Sanremo (Rai 1, 1994)
- Viva Napoli! (Rete 4, 1994)
- Luna park (Rai Uno, 1994-1997)
- Gran premio internazionale dello spettacolo (Canale 5, 1995-1996)
- La partita del cuore (Rai 1, 1996, 2011)
- Ciao Mara (Canale 5, 1997)
- Una goccia nel mare (Canale 5, 1997)
- Forza papà (Canale 5, 1998)
- Premio Barocco (Rai 1, 1998)
- La vita è meravigliosa (Canale 5, 1999)
- Katia e Mara verso oriente (Rai 1, 2000)
- Fantastica italiana (Rai 1, 2001)
- Venezia la luna e tu (Rai 1, 2001)
- Un ponte tra le stelle - la befana dei bambini vittime delle guerre e dei terrorismi (Rai 1, 2002)
- Festa in casa Martini (Rai 1, 2004)
- Domenica in... Maramao (Rai 1, 2005)
- Domenica in... TV (Rai 1, 2005-2006)
- Concerto di Natale (Rai 2, 2007-2010)
- La fattoria (Canale 5, 2009)
- La vita in diretta (Rai 1, dal 2010)
- Telethon (Rai 1, 2010-2011)
- L'anno che verrà (Rai 1, 2010)
- Buonpomeriggio Italia! (Rai 1, dal 2011)
Filmugrafìa
- 1973 - Diario di un italiano, regìa ad Sergio Capogna
- 1974 - La badessa di Castro, regìa 'd Armando Crispino
- 1974 - Abbasso tutti, viva noi, regìa ad Gino Mangini
- 1976 - Cattivi pensieri, regìa 'd Ugo Tognazzi
- 1979 - Un'emozione in più, regìa ad Francesco Longo
- 1980 - Zappatore, regìa 'd Alfonso Brescia
- 1981 - E noi non faremo Karakiri, regìa ad Francesco Longo
- 1981 - Greggio e pericoloso, regìa 'd Enzo Tarquini
- 1982 - Testa o croce, regìa ad Nanni Loy
- 1983 - Al bar dello sport, regìa ad Francesco Massaro
- 1984 - Chewingum, regìa ad Biagio Proietti
- 1987 - Animali metropolitani, regìa ad Steno
- 1987 - La famiglia Brandacci, regìa ad Sergio Martino
- 1987 - Caramelle da uno sconosciuto, regìa ad Franco Ferrini
- 1987 - Kamikazen ultima notte a Milano, regìa ad Gabriele Salvatores
- 1988 - Delitti e profumi, regìa ad Vittorio De Sisti
- 1989 - Night Club, regìa ad Sergio Corbucci
- 1990 - Il ritorno del grande amico, regìa ad Giorgio Molteni
- 1993 - Pacco, doppio pacco e contropaccotto, regìa ad Nanni Loy
- 1998 - Paparazzi, regìa ad Neri Parenti
- 2008 - Torno a vivere da solo, regìa ad Jerry Calà
- 2011 - Vacanze di Natale a Cortina, regìa ad Neri Parenti
Film par la Televiśiòṅ
- 1973 - La porta sul buio, episodio "La bambola", regìa ad Mario Foglietti
- 1975 - Diagnosi, regìa ad Mario Caiano
- 1981 - Greggio e pericoloso, regìa 'd Enzo Tarquini
- 1982 - Un gusto molto particolare, regìa ad Giorgio Molteni
- 1986 - Portami la luna, regìa ad Carlo Cotti
- 1986 - Professione vacanze, regìa ad Vittorio De Sisti
- 1987 - Tutti in palestra, regìa ad Vittorio De Sisti
- 1987 - La famiglia Brandacci, regìa ad Sergio Martino
- 1995 - La voce del cuore, regìa ad Lodovico Gasparini
- 1996 - Il goal del martin pescatore, regìa ad Ruggero Miti
- 1998 - Ritornare a volare, regìa ad Ruggero Miti
Nòti
- ↑ A vag a tèsta élta di còran ch'a-j-ò mis liberoquotidiano.it, 1 'd Avrìl dal 2012