Pippo Franco

Da Wikipedia.

C'l artìcul chè 'l è scrit in Miranduléś Emiliàn

Pippo Franco tòlt śò in dal 2010


«
Invitati a un matrimonio, eleganti siamo qua, io mia moglie ed il bambino con gli sposi sempre là, ma allo scambio dell'anello lui ti dice così, mi scappa la pipì papà, non ne posso proprio più, io la faccio qui.»
(ES)(Mi scappa la pipì, 1979)
«
Invidâ a 'n matrimòni, elegànt a sém chè, mè, mè mujēr e 'l putèṅ c'n i spóś sèmpar là, ma a 'l scambi d'l anèl lò 'l t diś pròpria acsè, a m scapa da pisàr papà, a n in pòs pròpria piò, mè a la fag chè.»
(MUD)


Franco Pippo, cgnusû méj c'n al nóm arbaltâ 'd Pippo Franco (Róma, 2 ad Setémbar dal 1940) 'l è 'n còmig, atōr, cantànt, preśentadōr, senegiadōr e regìsta itagliàṅ. Al culàbura anc c'n una dal vegénti 'd Međugorje, la Marija Pavlović.

In dla sò caréra 'l à recitâ a teàtar, cun Garinei e Giovannini e in dla cumpagnìa 'd Il Bagaglino, e a 'l cìnema, in du 'l à laurâ da spés cun Pier Francesco Pingitore, girànd dimóndi cumèdi in di an Stanta e a 'l inìsi di an Utànta cuma Quel gran pezzo dell'Ubalda tutta nuda e tutta calda, Giovannona Coscialunga disonorata con onore, Zucchero, miele e peperoncino e Ricchi, ricchissimi... praticamente in mutande. In televiśiòṅ 'l à preśentâ soquànti edisiòn ad La sai l'ultima?, prugràma 'd barśléti 'd Canale 5, méntar da cantànt al s è fat cgnósar par soquànti canti demensiàli e par putèṅ, preśentàdi anc a 'l Fèstival ad Sanrémo, cuma Mi scappa la pipì, Cesso, Quel vagone per Frosinone, Bernarda, Isotta, La puntura, Che fico e Chì Chì Chì Cò Cò Cò.

Al s è preśentâ a gl'elesiòṅ, sénsa ès'r elèt, par dū vòlti, la prima in dal 2006 p'r al Cà dal Libertà in dal Lasi, in dla lista dla Demucrasìa Cristiàna par gl'Autunumìi, e pò a gl'elesiòṅ p'r al sìndig ad Róma in dal 2021 in dla lista dal sèntar-dèstra 'd Michetti, muciànd sù 37 preferénsi.

Al gh'à tri fiōi, Simone, abû da l'atōra Laura Troschel, Gabriele e Tommaso, nâ da 'l matrimòni cun la Piera Bassino.

Filmugrafìa

Pippo in na figùra 'd Giovannona Coscialunga disonorata con onore
Pippo in na figùra 'd Furto di sera bel colpo si spera
Pippo in na figùra 'd Basta Guardarla
Pippo in na figùra 'd Ricchi ricchissimi praticamente in mutande

Culegamènt estéran

Estratto da "https://eml.wikipedia.org/w/index.php?title=Pippo_Franco&oldid=148175"