Discussione:Tlêr ed tesdûra
Cal dòni cuma manéra 'd dîr..[mudéfica la surzéia]
A savòm tùt ch' in 'dl itagliàn i artìcul determinatìṿ i deśvìnen dai dimustratìṿ latèin ille, illa, illud. A pinsèr ch' al nòster dialèt al dròva p'r indichèr el dòni, mìa al determinatìv, mo pròpi al dimustratìṿ, n' prèvel mìa èser un bel resìd'ṿ ed cla manéra latèina lè? Dal rest, mo però al sèint dimòndi méno, a se prèv dîr chi òm.. --Glôria (discussioni) 09:06, 10 nov 2013 (UTC)
- Mè a iva fat a mènt a 'n quèl. Da 'l mè bandi i artìcui determinatìṿ i èṅ:
- AL (il) m.s
- I (i) m.p
- LA (la) f.s.
- AL (le) f.p. (o anc LI)
Turnàd a gl'agetìṿ dimustratìṿ (questo, questi, quello, quelli, quegli, questa, queste, quella, quelle) in miranduléś a s tōś al funéma K śuntànd-'g in fónd 'l artìcul determinatìṿ e pò, dòp la paròla, 'l avèrub CHÈ/LÈ.
- K+AL=CAL (questo/quello) m.s → CHÈ/LÈ
- K+I=CHI (questi/quelli/quegli) m.p → CHÈ/LÈ
- K+LA=CLA (questa/quella) f.s. → CHÈ/LÈ
- K+AL=CAL (queste/quelle) f.p. → CHÈ/LÈ (o anc CLI)
Dascurénd pò dla manéra ad dir Cal dóni vs Chi óm, mè a créd ch'la s dróa quànd i óm i dascóran dal dóni e quànd al dóni i dascóran di óm: Cal dóni i spatéglan sèmpar, Chi óm i èṅ pròpria di spurcaciòṅ. A n s dróa minga CHÈ/LÈ parchè a s dascór in astràt, a n gh'è briśa biśógn 'd indicàr un grup ad parsòni davśèṅ/luntàṅ da chi dascór.--Mirandolese (discussioni) 13:12, 10 nov 2013 (UTC)
- A prèv dères che cla locusiòun lè la s dròva cuma t' dî Tè (i òm chi ciacàren 'd la lôr, el dòni chi ciacàren 'd chi lôr), mo descorènd dal nostri nòni chi tesìven, 'na sòrta d' afèt per lôr al m' fà ès'r apasionèda in di sô cunfròunt e ciaméri afetuośamèint cal dòni, ch' i 'm pèren piò śvèini a nuèter.. Gh' pōl-el stèr in 'n' Ensiclupedìa 'dl afèt p'r el nòstri nòni? --Glôria (discussioni) 15:06, 10 nov 2013 (UTC)
- Dal memôri nudarìli dal Dèsim sècul i deśvìnen ai Plâsit ed Casèin cun cal bèli scrìti già in dal vulghèr 'd cal tèimp, mo avalèdi da l' autoritè di nudèr, chi duìven fer capìr anca a la gìnt mìa istruìda la sustànsa dal testimuniànsi: "Sao ko kelle terre..."
- Quant po' a mèter còuntra cal dòni da chi òm, a s' sà infìn da Catùl che 'l òdi 'l è anca amôr e dòunca s' i s' mèten còuntra, 'l è sôl perchè i s' vōl'n un gran bèin... --Glôria (discussioni) 17:40, 10 nov 2013 (UTC)
- A prèv dères che cla locusiòun lè la s dròva cuma t' dî Tè (i òm chi ciacàren 'd la lôr, el dòni chi ciacàren 'd chi lôr), mo descorènd dal nostri nòni chi tesìven, 'na sòrta d' afèt per lôr al m' fà ès'r apasionèda in di sô cunfròunt e ciaméri afetuośamèint cal dòni, ch' i 'm pèren piò śvèini a nuèter.. Gh' pōl-el stèr in 'n' Ensiclupedìa 'dl afèt p'r el nòstri nòni? --Glôria (discussioni) 15:06, 10 nov 2013 (UTC)