Plâsit ed Casèin

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

La lastra 'd mèr'm ins al pavimèint 'dla piàsa Medaglie d' oro a Càpua, in dû a s' arcòrda el scrìti di plâsit

I quàter Plâsit ed Casèin (Placiti Cassinesi in italiàn) egl'în quàter testimoniànsi 'd cèregh a 'l riguèrd 'dal tèri dal munastér 'd Mòntcasèin, scrìti da 'l nudêr in di an da 'l 960 a 'l 963.

A s' éra dré a quistiunèr cun un sgnōr dal pòst in sìm'ai cunfìn precîś 'd soquànt pès ed tèra di munastér benedetèin 'd Càpua, Sèsa Aurùnca e Teàṅ. I preśèint, dgènd cun al in sìm'a na piantèina indû 'gh'stèva mìs śò i cunfîn precîś dal tèri dal munastér, i duìven descòrer in dla lèngva vulghèra 'd cal mumèint lè, bèin ch'i savìsen al latèin, e quèst perchè i gh' avìven da fèr-es capìr da la ginta dal pòst prìma 'd tùt. Al nudêr 'l ìva bèle preparê prìma la frêś che i quàter têst i a'rèven dìt, e dòunca pò 'l avrèv registrê el quàter parlèdi in chī quàter plâsit ch'i s ìn 'rivê fin chè a cuntèr-es cùm'a se psìva sintìr parlèr pôc prìma dl an Mìl:

  • Sao ko kelle terre, per kelle fini que ki contene, trenta anni le possette parte Sancti Benedicti. (Càpua, in dal mèrs 960)
  • Sao cco kelle terre, per kelle fini que tebe monstrai, Pergoaldi foro, que ki contene, et trenta anni le possette. (Sèsa, in dal mèrs 963)
  • Kella terra, per kelle fini que bobe mostrai, sancte Marie è, et trenta anni la posset parte sancte Marie. (Teàṅ, in 'dl utòber 963)
  • Sao cco kelle terre, per kelle fini que tebe mostrai, trenta anni le possette parte sancte Marie. (Teàṅ, in 'dl utòber 963)

Colegamèint estèren