Discussione:Frankenstein Junior

...Ann' è mìa ch' al sèinta dîr despès (anca perchè a s'rà vèint' àn che i mé coléga i nn' în mìnga di emigliân, e dòunca s' i gh' àn da smadunèr i dìśen mìiinchia, piotòst che Schwanzstück, mo 'm sèmbra che dal nostri pèrt a s' dgìs mìng/mèng/minghîn, piotòst che cas.. I vucabulàri mè 'n crèd ch' i s' pòs'n ajùtèr ind un caś dal gèner, anca s' "a ghe s'rèv da 'ndèr'gh' in fònda" (per prufundîr duvutamèint la questiòun) cùm' a t' ò alśù dîr 'na quèlc vòlta... --Glôria (discussioni) 22:50, 29 ott 2013 (UTC)

In dal vucabulàri ad Miranduléś, cas al gh sarév ma al dà la spiegasiòn ad caś. Pò a gh'è anc casàda (in dal sèns ad casata), praticamènt caśàda... A dir-la tuta a gh'è anc Minciòn (!!!) ch'a vrév dir Minchione, Gonzo, Sciocco, Baccellone (?), Pisellone (!), Balordo. Da minciòn=bonariamente, Far da minciòn=Far il minchione, far il nesci (?), far la gatta morta (?!). Far minciòn un: far minchione uno, farlo passare per minchione. Pò a gh'è l'intercalàra Minciòn: Minchioni! Capperi! Corbezzole! Invéci in dal disiunàri ad Mudnéś a gh'è Pigugnìṅ (e mè ch'a cardìva ch'a fus un śōg ad carti!). E pò anc (a la Roberto Benigni): bêga, bigulein, bigolo (e mè ch'a cardìva ch'a fus un magnàr ciamâ Bìgui), càz, ghigno, impálla, mago, pipátt, rélla, sgurasêrvi (a m pâr ch't iv dit na vòlta ch'at pasàv i sàbat a śguràr... à't capî la śgnóra?), uśèl, zévvel. E pò incóra Pirìn, Pirulèin, Afèr, Afèri, Arnéś, Càna, Canarèin (?), Bigulèin, Pisài, Pistòla. Da 'l mè bandi a s dróa anc Pistulèṅ e bigòla. Fórsi l'éra méj scurtàr al sunt 'd un cunsèṅ, giusà s'a riva cal càgami là e al taca a lèśar qvél ch'a dgém al pinsarà ch'a sém di mòrt spurcaciòṅ e malnét!--Mirandolese (discussioni) 23:15, 29 ott 2013 (UTC)

Ch'in dla basa a s dróa la paròla CAS a n gh'è minga dubi, cum at pó védar chè 'd sōvar. Òcio ch'l è 'n śōg ad paròli parchè CAS l'è anc na sìggla invintàda da la regiòn.--Mirandolese (discussioni) 23:33, 29 ott 2013 (UTC)

..dìu, che cùltura ch' a m' sun fàta stamatèina.., a gh' n' ò per tùt' incō, acsè a nn' gh' è mìa al caś ed nujèrem, a gh' pinsarò drè, giùst per pinsèregh.. (mo sgurèr però, sòl al sàbet..) Glôria

...pinsèndegh pròpi bèin, mè a crèd ch' a prèv ciamèrel mândèg, cuma quèl dal malgarèini, che difàti i gh' àn un còumpit similèr, mo s' a pinsòm a la meśdadûra, ch' a s dîś anca -mo fòrsi al cuntèst ē-l diferèint..(?)- Piò t' la mèśd e piò la pùsa (S. Pus-i-dòni?), a s prèv druèr anc al mèśdel.. mo a s vèd che la fantaśìa dòp la m' pòrta anca un póc luntàn.. --Glôria (discussioni) 11:36, 1 dic 2013 (UTC)