Bìgui

C'l artìcul chè 'l è scrit in Miranduléś

I bìgui (bìgul a 'l singulàr, bigoli in itagliàṅ) 'l è un prim piàt tìpic vènet ma ch'a s fà anc in dla Lumbardìa urientàla (Mantṿàṅ e Bresàṅ) e in dla basa mudnéśa.

I pàran di spaghét ma più grôs. Par far i bìgui a gh vōl:

400 g ad farìna biànca "0"
4 óṿ
un tuchèṅ ad saŀ

Al prim quèl da far 'l è ad mét'r insém chi ingridiènt lè, misćiànd-i par bèṅ, faghénd 'n impàst e pò dòp a gh'è da insfilsàr-al dènt'r a 'n tórć. La pasta śala la pasa par na rudèla ad brónś tuta śbuśìda e acsè i vènan fóra i bìgui.

Prima ad mét'r-i sù, cundénd-i cun dal sûg ad carna, a gh'è da far-i sugàr p'r un pôc ad tèmp.