Dietro la porta chiusa
|
C'l artìcul chè 'l è scrit in
Miranduléś |
 Secret Beyond the Door
| ||
| Dietro la porta chiusa | ||
 La Joan Bennett in na figùra dal film | ||
| Dadrē da 'l us sarâ 1947 | ||
|---|---|---|
| Regìa: Fritz Lang | ||
| Scritōr: Rufus King • Silvia Richards | ||
| Atōr: Joan Bennett • Barbara O'Neil • Rosa Rey Michael Redgrave • Anabel Shaw • Anne Revere Paul Cavanagh • James Seay • Natalie Schafer | ||
| Müsica: Miklós Rózsa | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî | ||
Dietro la porta chiusa (Dadrē da 'l us sarâ) 'l è 'n thriller dal 1947 ad Fritz Lang girâ in biànc e négar ch'l arcòrda, in na quàlc manéra, soquànt film 'd Alfred Hitchcock dal perìud cuma Rebecca, la prima moglie, Il sospetto e Io ti salverò.
Al film in alóra al n è minga stâ cunsiderâ bèṅ da i crìtig e da 'l pùblic tant ch'l à fat andàr in ruìna la Diana Productions, la cumpagnìa 'd prudusiòṅ ad Lang insém cun la Joan Bennett, sò marè Walter Wanger e Dudley Nichols.
Sunt
La Cecilia (Joan Bennett) la dvènta rica quànd sò fradèl Rick (Paul Cavanagh) al mōr lasànd-'g incòsa. Durànt na vacànsa in Mèsic cun la sò amìga Edith (Natalie Schafer) la cgnós Marco (Michael Redgrave), 'n architét armàś véduv e c'n un fiōl da tiràr sù, Davide (Mark Dennis). Par lē a scròca la silta: c'l óm lè al gh'à da èsar suo.
I dū i sa spóśan prèst e i vàn'n a star in dla sò vila ch'l'éra stada dla màdar 'd sò marè, na dóna ch'l'andàva mata p'r i śî, e in du a viṿ anc sò surèla, la Carolina (Anne Revere). A jutàr in cà a gh'è anc la sgnōra Robey (Barbara O'Neil) ch'la s quàcia in ghigna c'n un fasulét da quànd l'è armàśa uféśa soquànt an prima in dal méntar ch'la salvàva Davide da 'n inséndi.
Durànd na fèsta Marco al fà véd'r al cambri dla sò vila a i òspit, cambri ch'i èṅ fati cumpàgni a qvéli in dua in pasâ i èṅ stâ fat di masamènt a dal dóni. Sōl na cambra la n vîṅ minga vèrta, la nùmar sèt. La Cecilia la s fà far na còpia dla ciàṿ e pò la và a védar cuś a gh'è dèntar: na cambra da lèt cumpàgna dla sua.