Delaware
|
C'l artìcul chè 'l è scrit in
Miranduléś |
_(US48).svg)
Al Delaware (a s lèś [ˈdɛləwɛər] in Inglés, scólta'l chè) 'l è 'n stat di Stat Unî ch'al s cata su 'l ucéan Atlàntic, in na penìśula ciamàda Delmarva. Al fà part dla regiòṅ di Stat d'l Atlàntic Mèdi, in dla còsta èst dal paéś. Al cunfìna a sud e a òvest c'n al Maryland, a nòrd-èst c'n al New Jersey e a nòrd cun la Pennsylvania. Al sò nóm al daśvîṅ da Thomas West, III baròṅ De La Warr, nòbil ingléś e prim guvernadōr culugnàł dla Virgìgna.
'L è 'l secónd stat più pìcul (6.452 km²) e 'l sèst cun manc abitànt dla nasiòṅ, c'n i sò nuvsènt-mila abitànt a 'l incìrca, ma anc al sèst più pîṅ stóp. Al sò rèdit par parsòna, ad 34.199 dòlar, 'l è 'l nôn di Stat Unî. Al Delaware 'l è divìś in tri cuntèi (New Castle, Kent e Sussex) e in siquànta-sèt cumùṅ.
Al Delaware 'l è stâ una dal trédas culògni a tōr part a la rivulusiòṅ americàna e 'l 7 ad Dicémbar dal 1787 'l è stâ 'l prim stat a ratificàr la Custitusiòṅ di Stat Unî. 'L è par quàl lè ch'al s è meritâ 'l scutmàj 'd Al Prim Stat. Al sò mòt 'l è „Liberty and Independence“ ch'a vōl dir „Libertà e indipendénsa“.
La sò capitàla l'è Dover ma l'è Wilmington la sò sità più granda c'n i sò stanta-dumìla abitànt. Da 'l 2009 al sò guvernadōr 'l è 'l demucràtic Jack Markell.
.svg){kind=small}
.svg){kind=small}
