Dario Argento: Master of Horror
|
C'l artìcul chè 'l è scrit in
Miranduléś |
 Dario Argento: Master of Horror
| ||
 La Daria Nicolodi in na figùra dal film | ||
| Dario Argento: Mìstar dla Scarésa 1991 | ||
|---|---|---|
| Regìa: Luigi Cozzi | ||
| Scritōr: Luigi Cozzi • Fabio Giovannini | ||
| Atōr: Dario Argento • Luigi Cozzi • Pino Donaggio Sergio Stivaletti • Tom Savini • Michele Soavi Fabio Giovannini • Madeleine Potter | ||
| Müsica: Goblin | ||
| Léngua: Itagliàṅ • Ingléś | ||
| Dürä dal film: 81 minüt | ||
| Nasiōṅ: Itàglia | ||
Dario Argento: Master of Horror (Dario Argento: Mìstar dla Scarésa) 'l è 'n film ducumentàri dal 1991 ad Luigi Cozzi dedicâ a Dario Argento avénd culaburâ sèg dimóndi vòlti.
A 'l intéran dla pelìcula i s càtan di pès tirâ fóra da soquànti sò òpri, o prudóti da lò, cuma Due occhi diabolici, Opera, Tenebre, Profondo Rosso, La chiesa, La setta, Phenomena
Sunt
Dario Argento al dascór di sò film e su la tècnica ad tiràr śò 'l séni, cuma qvéla lunga dal masamènt dal dū lèśbichi in Tenebre o qvéli fati in Opera in du a s véd la curnàcia ch'la vóla a 'l intèran dal Teàtar Régi ad Parma par bcar, in tut i sèns, al sasèṅ e 'l spâr da 'l spiunsèṅ d'l us ch'al spapèla la balòta d'l òć dla Daria Nicolodi ch'la vliva védar la ghigna dal pulisiòt.
P'r al regìsta rumàṅ la tècnica e gl'efèt speciài i èṅ dimóndi impurtànt cum i ciarìsan Sergio Stivaletti, ch'l à fat 'l efèt dal siàm ad móschi druànd dal cafè maśnâ, e Tom Savini impgnâ su 'l set ad Due occhi diabolici che Argento, fan 'd Edgar Allan Poe, 'l à vlû far insém a George A. Romero pròpria a Baltimòra. A tōś la paròla anc Michele Soavi, regìsta di film La chiesa e La setta prudót par Dario, ch'al diś che chi lò al preténd sèmpar dimóndi da i sò culaburadōr.
Anc la mùśica p'r Argento l'è dimóndi impurtànta ma a dipénd da quànd la vîṅ scrita, se prima dal film (cuma in Suspiria), se insém a 'l film o sōl in faś ad muntàǵ. P'r al film Due occhi diabolici, ch'al gh'iva da èsar na pelìcula in quàt'r epiśòdi invéci che dū, la culòna sunóra l'è stada dada da far a Pino Donaggio ch'in dal ducumentàri al dascór ad Dario acsè cuma l'atōra prutagunìsta, la rósa Madeleine Potter.