Capêl da prēt

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Un pursêl per la cherna dal capêl da prēt.
Un p'r al tàj 'd cherna dal capêl da prēt.

A s ciàma capêl da prēt (cappello del prete in itagliàn) sìa 'n insachê 'd cherna dal nimêl, fasê sù in dla codga tolta da 'l só cupèt, che anca 'n tàj 'd cherna ch'a s tōś vìa da 'n pcòun ed mùscol dla spàla dal .

Al capêl da prēt da 'l nimêl

Al capêl da prēt dal nimêl al deśvìn pròpia tùt da 'l pōrc, d'indû a s tōś di tàj mìa tant pregê, cun anca 'n pô 'd codga e, maśnê tùt insèm cun soquànti spési e dal péver négher, i se sfrùcen dàint'r ind un sactèin ed codga tòlta da 'l cupèt dal pōrc, ch'al s cuśìs c'n un fîl ed cutòun in na forma triangolèra c'ma i gh'ìven sert capē i prēt in di tèimp indrē.
A gh'è da cóś'r-el in dl'àqua fènd-el bùjer a fōg bâs per trī o quàt'r óri, mo mìa prìma 'd ann avér-eg 'n pô śbuśî la codga cun la fursèina e avèr-el vujê sù ind un sachèt ed tela 'd canva fermê cun dal spêg. Quand 'l è bèin côt, dòunca 'l capêl da prēt al s cunpagnarà bèin cui faśō e anc dal purè, che 'l dvèinta acsè anc un piât tradisionêl dla cuśèina arśàna di tèimp pasê.
'L è 'n magnèr dimòndi grâs, c'm'anc al cudghîn, ch'l è fât sù a la stèsa manéra, e se na vòlta a n's egh fèva mìa tant chêś, mo invéci incō a gh'è da guardèr ch'el só calorìi per èto egl'ìn dintór'n ai 400 Kcal[1], e incòr che 'l gh'à di grâs satur, a dìr pîn ed colesterôl[2].

Al capêl da prēt da 'l bō

'L è 'n tàj 'n pô oblùng e apèina striê 'd grâs ch'a s tōś vìa dala spàla dal in dla só masladùra. A 'l s dróva bèin per cóśer di braśê, dal lès, e di spesatèin.

Vóś lighèdi

Colegamèint estèren

Referèinsi

  1. (IT) El calorìi 'd soquànt magnèr in 'n elèinc in ligna.
  2. (IT) Na spiegasiòun in sìm'a 'l diferèinti sorti 'd grâs ind un sît in ligna.