Codga

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Codghi drē a cóś'r-es in dl'aqua.
Soquànti fèti 'd sampòun indû a s fà a tèimp a vèder la rundlèina fóra ed codga.
Un cudghîn tùt sarê sù in dla só codga.

La codga (cotica in itagliàn) l'è la pèla dal nimêl, ch'a s egh'la chèva incòr 'd druèr-la, dôp ch'a 'l s è maslê, in soquànt piât tradisionē, c'ma la "códga e faśō" e la "casoeula", o in soquànt insachê, c'ma in dal sampòun mudnéś, in dal cudghîn, in dal capêl da prēt.
'L è 'n magnèr dimòndi grâs, che se na vòlta 'n s egh fèva mìa dimòndi chêś, mo invéci incō a gh'è da guardèr-egh, ch'el só calorìi per èto egl'ìn dintór'n ai 600 Kcal[1], e incòr ch'egl'ìn di grâs satur, a dìr pîn ed colesterôl[2].

Manéri 'd dìr

  • (EGL) Al vêl na codga[3], (IT) (lett.) Vale come una cotica, (fig.) Vale pochissimo.
  • (EGL) Codga dal prê[4], (IT) (lett.) Cotica del prato, (fig.) Manto erboso di prato stabile.
  • (EGL) A 'l tèimp ed Carlo Codga[5], (IT) (lett.) Al tempo di Carlo Cotica, (fig.) Al tempo che fu.
  • (BLG) Una panzatta tótta cåddga[6], (IT) (lett.) Una pancetta tutta cotenna, (fig.) Una mercanzia di scarsa qualità.

Vóś lighèdi

Èter progêt

Colegamèint estèren

Referèinsi

  1. (IT) El calorìi 'd soquànt magnèr in 'n elèinc in ligna.
  2. (IT) Na spiegasiòun in sìm'a 'l diferèinti sorti 'd grâs ind un sît in ligna.
  3. (EGL) e (IT) Dizionario del dialetto carpigiano, G. Malagoli e A. M. Ori, Mòdna 2011.
  4. Ibidem.
  5. Ibidem.
  6. (IT) e (BLG) Dizionario Bolognese, ed. Vallardi, Milàṅ, 2012.