Angel Heart - Ascensore per l'inferno
|
C'l artìcul chè 'l è scrit in
Miranduléś |
 Angel Heart
| ||
| Angel Heart - Ascensore per l'inferno | ||
 Robert De Niro in na figùra dal film | ||
| Cōr 'd Àngil - Asisnsōr par 'l Infèran 1987 | ||
|---|---|---|
| Regìa: Alan Parker | ||
| Scritōr: William Hjortsberg • Alan Parker | ||
| Atōr: Mickey Rourke • Robert De Niro • Lisa Bonet Charlotte Rampling • Dann Florek • Judith Drake Eliott Keener • Pruitt Taylor Vince • George Buck | ||
| Müsica: Trevor Jones | ||
| Léngua: Ingléś • Francéś | ||
| Dürä dal film: 113 minüt | ||
| Nasiōṅ: Stat Unî • Régn Unî • Cànada | ||
Angel Heart - Ascensore per l'inferno (Cōr 'd Àngil - Asisnsōr par 'l Infèran) 'l è 'n thriller dal 1987 'd Alan Parker trat in na manéra libra da 'l rumànś „Falling Angel“ ad William Hjortsberg.
Al film 'l è custâ darsèt migliòṅ ad dòlar.
Sunt
New York, 1955. Harry Angel (Mickey Rourke), investigadōr privâ 'd Brooklyn, al ciàpa 'l incàr'g ad catàr Johnny Favorite, 'n èx cantànt armàś sfigurâ in dla ghigna durànt la secónda guèra mundiàla. Al sò cliènt 'l è 'n óm misterióś ad New Orleans, Louis Cyphre (Robert De Niro).
Harry al và subìt a dmandàr nutìsi in dla clìnica in dua Favorite 'l éra stâ curâ e 'l vîṅ a savēr ch'l éra stâ mandâ a cà al dè ad San Silvéstar dal 1943. Al dutōr ch'a gh tgniva adrē, Albert Fowler (Michael Higgins), al gh diś ch'l iva ciapâ vintsìnc-mila dòlar par far crédar ch'al cantànt al n fus mai vgnû fóra da 'l uśdàł, pò qualchidòṅ 'l al cópa sparànd-'g in dla balòta d'l òć dèstar. Harry al vrév mulàr al caś ma Cyphre 'l al persuàd a cuntinuàr śibénd-ag àtar sinc-mila dòlar.
'L investigadōr da soquànt dè al s insùnia sèmp'r un suldâ vultâ 'd spali sénsa psēr-ag mai véd'r-ag la fàcia. Andànd avànti cun gl'indàśin Harry al riva a New Orleans par dascórar cun na dóna ciamàda Margaret Krusemark (Charlotte Rampling) ch'l'éra l'amànta dl’Evangeline Proudfoot (Lisa Bonet), na négra ch'l'éra stada la muróśa 'd Johnny.