Mississippi Burning - Le radici dell'odio

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Mississippi Burning
Mississippi Burning - Le radici dell'odio
Mississippi Burning.png
Na figùra dal film
Al Missisìpi al bruśa - Al raìś d'l òdi
1988
Regia: Alan Parker
Scritùr: Chris Gerolmo
Atùr: Gene HackmanWillem DafoeBrad Dourif
Frances McDormandKevin DunnGailard Sartain
Stephen TobolowskyR. Lee ErmeyBadja Djola
Frankie FaisonMichael RookerGeoffrey Nauffts
Müsica: Trevor Jones
Lengua: Ingléś
Dürä dal film: 128 minüt
Nasiòṅ: Stat Unî


«
1964. Quànd l'Amèrica l'éra in guèra sèg.»
(Tagline dal film)


Mississippi Burning - Le radici dell'odio (Al Missisìpi al bruśa - Al raìś d'l òdi) 'l è 'n film dramàtic dal 1988 'd Alan Parker scrit par Chris Gerolmo tulénd spunt da di fat sucès dabòṅ in dal 1964 in Missisìpi[1] quànd qvéi dal Ku Klux Klan i aṅ masâ tri vuluntàri p'r i dirìt sivìl impgnâ a far in manéra ch'i nég'r i s iscrivìsan par vutàr in dla cuntèa 'd Neshoba.

A la 61śma serimògna di Prèmi Òscar 'l è stâ candidâ a sèt statṿi vinsénd qvéla par la futugrafìa 'd Peter Biziou. Al film 'l è custâ quìndas migliòṅ ad dòlar ma al 'n à pò fat sù dagnóra trénta-sinc.

Sunt

In dla nòt fra 'l 21 e 'l 22 ad Śugn dal 1964 tri vuluntàri p'r i dirìt sivìl di négar i vìnan cupâ da di mémbar dal Ku Klux Klan e i sò còrp saplî par far-i sparìr. 'L FBI al manda dū agìnt a far dgl'indàśin là, Rupert Anderson (Gene Hackman) e Alan Ward (Willem Dafoe). Ma la gint biànca dal Missisìpi la gh'è tuta cóntar, specialmènt gl'istitusiòṅ cuma 'l sìndig Tilman (R. Lee Ermey), al sierìf Ray Stuckey (Gailard Sartain) e 'l sò vice, Clinton Pell (Brad Dourif). Chi lò in particulàr 'l à tòlt part a i masamènt e sò mujér (Frances McDormand), ch'la fà la paruchéra, la 'l quàcia dand-'g un àlibi.

La pupulasiòṅ di négar la taś par paùra, al sò céśi e 'l sò cà i vìnan bruśàdi tut al vòlti che qualchidòṅ a vèra bóca, e quànd qvéi dal clan i vìnan bcâ i gh péns'n i giùdas a mandàr-i lìbar dand-ag sèmpar dal giustificasiòṅ. Anderson al taca a dascórar da spés cun la sgnōra Pell e piàn piàṅ chi lē la vōda 'l sac dgénd che la gint la n nas briśa cun 'l òdi dèntar ma ch'i gh 'l inségnan un pôc a la vòlta e pò ta gh créd dabòṅ.

Culegamènt estéran

Nòti