Fuga di mezzanotte

Da Wikipedia.

C'l artìcul chè 'l è scrit in Miranduléś Emiliàn

Midnight Express
Fuga di mezzanotte

Brad Davis in na figùra dal film
Scapàda 'd meśanòt
1978
Regìa: Alan Parker
Scritōr: Oliver Stone • Billy Hayes • William Hoffer
Atōr: Brad DavisIrene MiracleBo Hopkins
Paolo BonacelliPaul L. SmithRandy Quaid
Norbert WeisserJohn HurtGigi Ballista
Mike KellinFranco DiogeneMichael Ensign
Müsica: Giorgio Moroder
Léngua: IngléśMaltéśFrancéśTurc
Dürä dal film: 121 minüt
Nasiōṅ: Stat UnîRégn Unî


«
'L impurtànt 'l è a n lasàr-as mai andàr.»
(Tagline dal film)


Fuga di mezzanotte (Scapàda 'd meśanòt) 'l è 'n film dramàtic dal 1978 'd Alan Parker ch'al tōś spunt da 'n fat sucès dabòṅ a 'l americàn Billy Hayes a Ìstanbul in du 'l è stâ arestâ p'r avēr purtâ sèg d'l hashish. 'L è stâ preśentâ in cuncōrs a 'l 31śum Fèstival ad Cannes.

La senegiadùra 'd Oliver Stone 'l è stada premiàda c'n un Prèmi Òscar acsè cuma 'l itagliàṅ Giorgio Moroder par la culòna sunóra mént'r al debutànt Brad Davis 'l à vins un Golden Globe.

Al film 'l è custâ dū migliòṅ e tri ad dòlar ma al 'n à pò fat sù trénta-sinc.

Sunt

Ìstanbul, 6 'd Utóbar dal 1970. Finìda la sò vacànsa in Turchìa, al studènt americàṅ Billy Hayes (Brad Davis) al và a 'l aeropòrt par ciapàr 'l aparéć p'r i Stat Unî. Sóta la majéta al gh'à dū chilo 'd hashish ch'i sàltan fóra durànt na perquiśisiòṅ.

Purtâ in dla parśòṅ 'd Sağmalcılar, al vîṅ turturâ da na guàrdia, Hamidou (Paul L. Smith), parchè al s éra parmìs 'd fargàr na quèrta da n'atra sèla, vdû in dal far-al da 'n infurmadōr dla pulisìa ciamâ Rifki (Paolo Bonacelli). Dòp dū dè Billy al cgnós di àtar parśunēr ucidentài: 'l americàṅ Jimmy Booth (Randy Quaid), 'l ingléś drugâ pódag Max (John Hurt) e 'l śvedéś Erich (Norbert Weisser). Mandâ a prucès, diféś da 'l avucàt Yesil (Franco Diogene), al vîṅ cundanâ prima a quàt'r an e pò a 'l ergàstul par cuntrabànd, dòp un tentatìṿ ad scapàda dal sò amìg Jimmy.

Par Billy i tàcan di an 'd infèran.

Culegamènt estéran