Aliens - Scontro finale

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Aliens
Aliens - Scontro finale
Aliens - Scontro finale.png
La Sigourney Weaver in na figùra dal film
Aglièṅ - scóntar finàł
1986
Regia: James Cameron
Scritùr: James Cameron • David Giler • Walter Hill
Atùr: Sigourney WeaverCarrie HennBill Paxton
Michael BiehnLance HenriksenPaul Reiser
William HopeJenette GoldsteinRicco Ross
Müsica: James Horner
Lengua: Ingléś
Dürä dal film: 137 minüt
Nasiòṅ: Stat Unî


«
Adès pò l'è guèra.»
(Tagline dal film)


Aliens - Scontro finale (Aglièṅ - scóntar finàł) l è 'n film fantàstic e ad scarésa dal 1986 ad James Cameron, séguit dal film Alien ad Ridley Scott dal 1979. La saga di Aglièṅ la cuntinuarà pò cun Alien3 dal 1992 e Alien - La clonazione dal 1997.

'L à vins dū Prèmi Òscar in dal 1987 p'r al muntàǵ sunōr e par gl'efèt speciài. Custâ daśdòt migliòṅ ad dòlar a 'l incìrca, al film al 'n à catâ sù da piò ad sènt-trénta.

Sunt

I èṅ pasâ sinquànta-sèt an da quànd l’Ellen Ripley (Sigourney Weaver) in sl'astrunâṿ „Nustrôm“ l'iva cumbatû cóntar n'aglièṅ parasìta dimóndi catìṿ e rabî. Dal sò equipàǵ, sōl lē l'éra scampàda miténd-as in un stat criugènig. Qvéi dla cumpagnìa ch'l'iva urdnâ la spedisiòṅ, la “Weyland-Yutani”, i la vaṅ a pascàr in dal spasi e i la pòrt'n in sla Tèra. La Ripley, par masàr al móstar, l'iva fat saltàr p'r ària la „Nustrôm“ ma adès la vèṅ a savēr ch'in sal pianéda dgl'aglièṅ, 'l „LV-426“, a gh'è na culògna umàna.

Daśdàda da 'l sò són, Carter J. Burke (Paul Reiser) e 'l tenènt Gorman (William Hope) i gh dìśan che da la culògna a n s sènt più gnint dònca a gh'è 'd andàr a védar cuś è sucès là. La partìs cun na spedisiòṅ ad marines spasiài insém a 'l sergînt Apone (Al Matthews), a 'l capuràł Hicks (Michael Biehn), a cla piva dal suldâ Hudson (Bill Paxton), a Drake (Mark Rolston) e a cla masćiùsa dla Vasquez (Jenette Goldstein).

Rivâ in sal pianéda i s rèndan cònt ch'i èṅ tut mòrt a part na putìna, la Rebecca Jorden dita Newt (Carrie Henn). Quél ch'l è pèś 'l è ch'a gh'è anc la regìna di Aglièṅ cun tut al sò gnał. A òṅ a òṅ i mémbar d'l equipàǵ i vènan fat fóra tut.

Culegamènt estéran