Alien - La clonazione

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Alien Resurrection
Alien - La clonazione
Alien 4.png
La Weaver, la Ryder e Cruz in na figùra dal film
Aglièṅ - La clunasiòṅ
1997
Regia: Jean-Pierre Jeunet
Scritùr: Joss Whedon
Atùr: Sigourney WeaverWinona RyderBrad Dourif
J.E. FreemanDominique PinonRon Perlman
Müsica: John Frizzell
Lengua: Ingléś
Dürä dal film: 109 minüt
Nasiòṅ: Stat Unî


«
At sē drē a védar ch'al tórn' incóra.»
(Tagline dal film)


Alien - La clonazione (Aglièṅ - La clunasiòṅ) l è 'n film fantàstic e ad scarésa dal 1997 ad Jean-Pierre Jeunet. 'L è 'l quàrt e ùltim capìtul dla saga di „Aglièṅ“ dòp Alien ad Ridley Scott dal 1979, Aliens - Scontro finale ad James Cameron dal 1986 e Alien3 ad David Fincher dal 1992.

Custâ da piò ad ssanta migliòṅ ad dòlar, al film al 'n à pò catâ sù sènt-a-ssant'òṅ.

Sunt

I èṅ pasâ dū-śènt an da quànd l’Ellen Ripley (Sigourney Weaver) la s è cupàda in sal pianéda „Fiorina 161“. Adès in sl'atrunâṿ „Auriga“ 'l è in cōrs 'n esperimènt par pruàr a clunàr al sò còrp par tiràr-ag fóra 'l embriòṅ dl'Aglièṅ par far sù 'n eśèrcit ad chi móstar lè da druàr in guèra. A nas acsè na Ripley nóva c'n al nóm ad “Clôn 8”.

In séguit a riva n'atra atrunâṿ ciamàda „Betty“ ch'la s taca a l'„Auriga“. A bōrd a gh'è dla gint in un stat criugènig ch'la sarvirà par far nàsar na rasa nóva di Aglièṅ da i óṿ dla regìna, qvésta chè l'è la traplàda segréta dal generàł Perez (Dan Hedaya).

La Ripley la capìs incòsa e la gh'à da far saltàr p'r ària la „Betty“ prima ch'la pòsa rivàr in sla Tèra. La s fà jutàr par l'andròida Call (Winona Ryder), p'r al siensiâ ch'al l'à clunàda, al dutōr Dr Wren (J. E. Freeman), e p'r al suldâ Distephano (Raymond Cruz).

Culegamènt estéran