Sigourney Weaver

Da Wikipedia.

C'l artìcul chè 'l è scrit in Miranduléś Emiliàn

La Weaver durànt la serimògna di Prèmi Òscar dal 2010
La Sigourney tòlta śò in dal 2009


La Susan Alexandra Weaver (New York, 8 'd Utóbar dal 1949), cgnusùda méj cuma Sigourney Weaver, l'è n'atōra e ardupiadōra americàna. In dla sò caréra l'è stada numinàda a i Prèmi Òscar par tri vòlti ma la n à mai purtâ a cà gnint.

Ólt'r a 'l Ingléś, l'è bòna 'd dascór'r in Tedésc e in Francéś.

Biugrafìa

La Weaver la rècita par la prima vòlta in un film in Io e Annie (Mè e l'Annie) ad Woody Allen, ma sōl par pôc secónd. La dvènta famóśa invéci girànd la pelìcula Alien (Aglièṅ) ad Ridley Scott in dua la fà 'l persunàǵ dla tenènta “Ellen Ripley”. La tórna a cal rōl lè anc in di séguit Aliens - Scontro finale (Aglièṅ - scóntar finàł) dal 1986 (numinàda a i Prèmi Òscar), Alien3 dal 1992 e Alien - La clonazione (Aglièṅ - La clunasiòṅ) dal 1997.

In di an Utànta l'è prutagunìsta dal film dal 1982 ad Peter Weir Un anno vissuto pericolosamente (’N an visû in dal risć), àtar sucès par lē. Dū an dòp la rècita in Ghostbusters - Acchiappafantasmi (I Śgranfgna-Fantàśma) pò in dal 1986 la s cava śò par la prima vòlta in Mistery ad Bob Swaim. In dal 1989 la và a 'n pas da i Òscar par Gorilla nella nebbia (Gurìla in dla fumàna) e p'r Una donna in carriera (Na dóna in caréra) ma l'armàgn a bèc sut.

In dal 1992 la lavóra c'n al mìstar Roman Polanski in dal sò La morte e la fanciulla (La mòrt e la baghéta) insém a Ben Kingsley, pò l'è prutagunìsta di film Lezioni di piano (Lesiòṅ ad piàṅ), Tempesta di ghiaccio (Timpèsta 'd giàs) e di thriller Copycat - Omicidi in serie (Masamènt in série) e Biancaneve nella foresta nera (Biancanéṿ in dla furèsta négra).

In dal 2009 la gira Avatar cun James Cameron.

Filmugrafìa

Culegamènt estéran