Alien

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Alien
Alien
Alien (film).png
Kotto, la Weaver e Holm in na figùra dal film
Aglièṅ
1979
Regia: Ridley Scott
Scritùr: Dan O'Bannon • Ronald Shusett
Atùr: Sigourney WeaverYaphet KottoIan Holm
Veronica CartwrightTom SkerrittJohn Hurt
Müsica: Jerry Goldsmith
Lengua: IngléśSpagnōl
Dürä dal film: 117 minüt
Nasiòṅ: Stat UnîRégn Unî


«
In dal spasi, ninsòṅ a pōl sintìr-at sigàr.»
(Tagline dal film)


Alien (Aglièṅ) l è 'n film fantàstic e ad scarésa dal 1979 ad Ridley Scott. 'L è 'l prim capìtul dal saga di Aglièṅ e 'l à dâ vita a tri séguit: Aliens - Scontro finale dal 1986, Alien3 dal 1992 e Alien - La clonazione dal 1997.

Custâ déś migliòṅ ad dòlar a 'l incìrca, al film al 'n à catâ sù da piò ad sènt. In dal 2002 'l è stâ sarnî p'r èsar tgnû dacàt in dla “National Film Registry” dla bibliutéca dal Cungrès di Stat Unî.

Sunt

L'astrunâṿ gigànta „Nustrôm“, ch'la scaròsa dla gint in dal spasi, l'è drē a turnàr in sla Tèra da 'l pianéda „Thedus“ pîna ad minerài mèntar 'l equipàǵ 'l è drē a punsàr ibernâ. A s trata ad sinc óm e dū dóni, al capitàṅ Dallas (Tom Skerritt), al sò vice Kane (John Hurt), 'l ufisiàł sientìfic Ash (Ian Holm), al tècnig-câp Parker (Yaphet Kotto) e 'l sò culéga Brett (Harry Dean Stanton), l'uficiàla Ripley (Sigourney Weaver) e la navigadōra Lambert (Veronica Cartwright). Insém a lōr a gh'è anc na bèstia mascotte, al gat rós tigrâ Jones.

A 'n sèrt punt al computer ad bōrd, „MOTHER“, al ricév un misterióś signàl 'd ajùt da 'n satèlit 'd un pianéda ch'i n cgnósan briśa e i gh'aṅ da daśdàr-as p'r andàr a védar, al règhli i èṅ acsè. I partìs'n in tri e quànd i èṅ là i véd'n al rutàm dn'astrunâṿ. Andâ dèntar i bùtan 'l òć su 'n cadàv'r aglièṅ scavśâ a l'altésa dal pèt pò tut 'd un trat da di śavàj ch'i pàran di óṿ a salta fóra na bestiulìna ch'la śbraga 'l casc a Kane par pò tacàr-'s a 'l sò grugn e mandànd-'l in coma. Chi àtar dū i al pòrtan sèg subìt su „Nustrôm“.

Dôp soquànt tèmp la bèstia la sa dastàca da par lē da 'l óm e la vèṅ catàda mòrta. Kane al s déśda e al pōl turnàr a far al sò lavōr ma méntar 'l è drē a magnàr insém a i sò cumpàgn al sćiòpa librànd 'n ès'r aglièṅ parasìta ch'al scapa via. 'L è 'l inìsi 'd 'n arbgàt par tut 'l equipàǵ.

Culegamènt estéran