Aiuto:ISTRUZIONIBASE/Colegamèint

Da Wikipedia.

Artécol in dialèt arzân

Per cumincêr   Cambiamèint   Impaginasiòun   Colegamèint   Nôti   Discusiòun   Registrasiòn   Arcurdêres    

Istrusiòun - Colegamèint

Coleghêr ûn cun cl'êter j argumèint ed la Vichipèdia l'é dimòndi impurtânt. Chî colegamèint ché a fân in môd che chi drōva la Vichipèdia al pōsa andêr a di êter argumèint ch' al gh'à dal j infurmasiòun coleghêdi a còli che s'é drē lêşer, e l'é prôpria cusché còl ch'al fa dvintêr Vichipèdia acsé cômda da consultêr.

Cme fêr i colegamèint

Per fêr un colegamèint a 'n' êtra pâgina ed la Vichipèdia (sté colegamèint in inglèiş as ciâma wiki link), l'é asê mèter, la parôla o al parôli ch' a fân da colegamèint cun cl' êtra pâgina, in mèz a dō parénteşi quêdri in ch' la manēra ché:

[[pruvîncia ed Rèz]]

Dōp ch'é stê salvê al lavōr fât chi lēş al vèd acsé: pruvîncia ed Rèz.

S'ét vō fêr un colegamèint a un argumèint, mó ét vō ch' as vèda 'n' êtra parôla, l'é asê ch' ét mèt al sègn spartidōr "|" (SHIFT + BACKSLASH, al tâst a mansèina préma dal nómer "1" ed la tastēra) e dôp la parôla ch'ét vō ch' as vèda. Per eşèimpi:

[[Strêda Statêla 63 dal Pâs dal Cerēto| strêda dal Cerēto]]

al gnirà scrét acsé: strêda dal Cerēto.

Ét pō fêr ânch un colegamèint a 'na sesiòun particulêra ed 'na pâgina in ch' la manēra ché:

[[Rèz#J arzân famōş| J arzân famōş]]

al gnirà scrét acsé: J arzân famōş

S'ét vō fêr in môd che al tèst dal colegamèint al vègna scrét in cursîv o in nerèt l'é asê mèter j apôstrof dal cursîv o dal nerèt fōra dal parénteşi quêdri, acsé:

cursîv

''[[Dôm ed Rèz]]''al gnirà scrét acsé: Dôm ed Rèz

o nerèt

'''[[Dôm ed Rèz]]'''al gnirà scrét acsé: Dôm ed Rèz

Impurtânt: contròla sèimper che al tó colegamèint al vâga int la pâgina giósta!

A pōl capitêr ânca che 'na parôla la vègna druvêda per dû o pió argumèint diferèint, per eşèimpi Verdòun al pré èser sia l' arzintèla che l'uşèl: a secònd a còl ch'ét vō coleghêr, fà i colegamèint gióst!

Quând fêr i colegamèint

Mèter i colegamèint a 'na vōş l'é cômed dimòndi, però quând în trôp a prén dêr fastédi (la sesiòun principêla ed 'na vōş la pré avèir pió colegamèint dal j êtri sesiòun). Per fêr in môd ch' an dvèinten mia trôp, ed sôlit, e l'é ânca cunsiliê, ed fêr al colegamèint a 'na parôla sōl la préma vôlta che sté parôla la sêlta fōra int l'argumèint.

Guêrda ânca ché (in Italiân)

Per capîr cme as fân i colegamèint ét prés dêr 'n' ucêda al "pâgini ed qualitê" in cla pâgina ché.

Categoréi

Ét pō ânca mèter la vōş int 'na Categoréia ch' l'é un gèner 'd elèinch ed pâgini che pêrlen ed l'istès argumèint.
A la fîn dal tèst ch'a t'é scrét scrév: [[Categoria: ''nòm'']], al nòm ed la Categoréia al và mé in pôst ed nòm tra i dû pûnt e al parènteşi quêdri.

Impurtânt: mèter la vōş int la só categoréia la permèt a chi lêş la Vichipèdia ed catêr pió facilmèint al lavōr che t'é fât.

Per savèir in che categoréia mèter la vôş apèina fât al môd miliōr l'é còl 'd andêr a guardêr 'na vōş cun al 'stès argumèint e guardêr in dóv' é stê més cla vôş.

Per fêr un eşèimpi, se t'é drē scréver 'na vōs insém a un gèner 'd êlber, ét pō guardêr la vōş fât inséma 'n' êter gèner 'd êlber e guardêr in fònd a la pâgina al nòm ed fiânch a la parola Categoria cól l'é nòm ch' èt pō mèter la vōş ch' a t'é pèina scrét.

Guêrda ânca ché (in italiân)


Pròva quel ch't'è imparê e và a fèr pratica in dal fòj ed prōva