Si può essere più bastardi dell'ispettore Cliff?
|
C'l artìcul chè 'l è scrit in
Miranduléś |
 Si può essere più bastardidell'ispettore Cliff? | ||
 La Patricia Hayes in na figùra dal film | ||
| S pōl èsar di bastàrd pèś d'l ispetōr Cliff? 1973 | ||
|---|---|---|
| Regìa: Massimo Dallamano | ||
| Scritōr: Massimo Dallamano Ross MacKenzie • George P. Breakston | ||
| Atōr: Ivan Rassimov • Stephanie Beacham Patricia Hayes • Ettore Manni • Verna Harvey Luciano Catenacci • Giacomo Rossi Stuart | ||
| Müsica: Riz Ortolani | ||
| Léngua: Itagliàṅ • Ingléś • Francéś | ||
| Dürä dal film: 95 minüt | ||
| Nasiōṅ: Itàglia • Régn Unî | ||
Si può essere più bastardi dell'ispettore Cliff? (S pōl èsar di bastàrd pèś d'l ispetōr Cliff?) 'l è 'n film pulisiésc dal 1973 ad Massimo Dallamano.
In Itàglia la pelìcula l'à fat sù 353.341.000 franc.
Sunt
Cliff Hoyst (Ivan Rassimov) al riva a Bèirut par na furnidùra 'd dròga par cònt dn'urganiśasiòṅ criminàla 'd Lóndra cmandàda par Marco (Giacomo Rossi Stuart) e p'r al sò sòci Morell (Ettore Manni). La dròga però la farév còmad anc a na banda cuncurènta, qvéla purtàda avànti da vècia ch'la s fà ciamàr “Mama la Turca” (Patricia Hayes) ch'la gh'à da véndar-la a New York. Cliff però al blòca i sò piàṅ.
La dóna, dimóndi arliàda, la manda 'n sò sicàri ciamâ Gamble (Luciano Catenacci) in Inghiltèra par catàr 'n acòrd cun Morell, c'n al catìvi piutòst che c'n al bòni. Incóra na vòlta a s mét in mèś Cliff ch'l al cópa a tradimènt. Chi lò 'l è 'n agìnt in segrét dal Narcotic Bureau e 'l gh'à na stòria cun la dóna 'd Morell, la Joanne (Stephanie Beacham).
Cliff al próa a far i bèsi lò fargànd al dū bandi criminàli e anc la pulisìa. La dròga la gh'à da rivàr in di Stat Unî lugàda in na statṿa antìga cumpràda a l'asta in Frància par 'l antiquàri e ambasadōr americàṅ Lansin (Cec Linder), acsè p'r a n dar in d'l òć. 'L óm 'l è custrét a far-al parchè sóta ricàt ad Morell ch'al gh'à 'n sò vìddeo malnét in du lò 'l è a lèt cun la Joanne c'n adòs sōl dū uréci da cunèṅ.