Riz Ortolani

Da Wikipedia.

C'l artìcul chè 'l è scrit in Miranduléś Emiliàn

Riz Ortolani tòlt śò in dal 1955


Riz Ortolani (Pēśar, 25 ad Mars dal 1926 - Róma, 23 ad Śnar dal 2014), nâ Riziero, l'è stâ 'n cumpuśidōr itagliàṅ, famóś specialmènt p'r avér scrit da piò ad duśènt culóni sunòri ad film. 'L à vins dū David ad Donatello in dal 1986 e in dal 2005.

Biugrafìa

Ùltim ad siē fiōi, a dód'ś an al s inscrìv, par vulēr ad sò pàdar ch'a gh piaśìva l'òpra, a 'l cunservatòri “Gioacchino Rossini” dla sò sità in dua al stùddia cumpuśisiòṅ e sibiōl. A vint-a-dū an al cata lavōr a Róma cuma pianìsta in na baléra e pò in Rai.

In dal 1954 al firma la sò prima culòna sunóra p'r al film Le vacanze del Sor Clemente e in dal 1962 una dal sò più impurtànti cun Il sorpasso. In séguit al mét la sò firma in dal film ad Vittorio Salerno dal 1973 No, il caso è felicemente risolto.

'L à laurâ da spés c'n i regìsta Lucio Fulci (in di film Una sull'altra, Non si sevizia un paperino e I guerrieri dell'anno 2072), Tinto Brass (Miranda, Capriccio, Paprika, L'uomo che guarda, Fermo posta Tinto Brass), Flavio Mogherini (La ragazza dal pigiama giallo e I camionisti) e specialmènt Pupi Avati (Zeder, Noi tre, Festa di laurea, Regalo di Natale, Ultimo minuto, Storia di ragazzi e di ragazze, Fratelli e sorelle, Magnificat, Il testimone dello sposo, La via degli angeli, I cavalieri che fecero l'impresa, Il cuore altrove, La rivincita di Natale, La seconda notte di nozze, Ma quando arrivano le ragazze?, La cena per farli conoscere, Il nascondiglio).

Famóś i èṅ dvintâ anc i sò lavōr in film western e ad scarésa cuma La vergine di Norimberga, Danza macabra, Così dolce... così perversa, Nella stretta morsa del ragno, L'etrusco uccide ancora, Sette orchidee macchiate di rosso, La morte negli occhi del gatto, Chi sei?, Passi di morte perduti nel buio, Enigma rosso, La casa sperduta nel parco, Cannibal Holocaust, Killer Crocodile, tant ch'al regìsta Quentin Tarantino 'l al sarnìs p'r i sò film Kill Bill vol. 1 e Kill Bill vol. 2.

Culegamènt estéran