Shriek - Hai impegni per venerdì 17?
|
C'l artìcul chè 'l è scrit in
Miranduléś |
 Shriek If You Know WhatI Did Last Friday the Thirteenth | ||
| Shriek - Hai impegni per venerdì 17? | ||
 L'Aimee Graham in na figùra dal film | ||
| Ùral - Sē't impgnâ par Venardè 17? 2000 | ||
|---|---|---|
| Regìa: John Blanchard | ||
| Scritōr: Sue Bailey • Joe Nelms | ||
| Atōr: Majandra Delfino • Harley Cross • Coolio Julie Benz • Simon Rex • Douglas Fisher Steven Anthony Lawrence • Jonathan Pessin Rose Marie • Aimee Graham • Chris Palermo Kim Greist • Artie Lange • Tiffani Thiessen Danny Strong • Tom Arnold • Shirley Jones | ||
| Müsica: Tyler Bates | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
Shriek - Hai impegni per venerdì 17? (Ùral - Sē't impgnâ par Venardè 17?) l'è na cumèdia ad cretinìśia dal 2000 ad John Blanchard a la manéra 'd Scary Movie, parudìa ad soquànt film ad scarésa cuma Scream, Venerdì 13, So cosa hai fatto, La bambola assassina, Non aprite quella porta, Scanners, Christine - La macchina infernale e dimóndi àtar.
'L è stâ girâ c'n un budget stimâ ad sinc migliòṅ ad dòlar.
Sunt
La Susy (Aimee Graham) l'è na ragasōla piutòst purcùsa ch'la vrév far la stagìsta a la cà biànca. Dòp avér tòlt soquànt film pòr'n a nuléǵ da védar par pasàr-as la sira, cuma Tut i cas par la Mary e I la càrg'n in 101, la ricév na telefunàda da 'n manìac ch'al gh admànda chi gh'è in dla fòsa di Grant. La ragàsa la rispónd Hugh Grant ma pò la s curèś subìt dgénd Cary Grant ma 'l è tròp tard parchè la rispòsta ch'la cònta l'è sèmpar la prima. A n sèrt punt a salta fóra 'l sasèṅ cun na mascra da hockey adòs e 'n curtlàs in maṅ ch'al taca a cùr'r-'g adrē. La Susy la scapa in giardèṅ ma la mōr finénd atàc a 'n aparéć par brustlìr al sinsàli.
La nutìsia la finìs su i giurnài e i studènt dal Lìceo Bulimia Falls i tàc'n a far-'s-la adòs parchè 'l sasèṅ al gh l'à sèg. A s trata dla Martina (Majandra Delfino), dla Barbara (Julie Benz), ad Slab (Simon Rex), ad Boso (Danny Strong) e ad Dawson (Harley Cross). Al pulisiòt ch'al gh'arév da prutèś'r-i, Frollo Sospettini (Tom Arnold), al gh'à sèmpar la tèsta in dal nuvli parchè al pénsa ad cuntìnuv a la giurnalìsta Calamy Jeans (Tiffani Thiessen), una ch'la gh piàś dimóndi.