So cosa hai fatto

Da Wikipedia.

C'l artìcul chè 'l è scrit in Miranduléś Emiliàn

I Know What You Did Last Summer
So cosa hai fatto

La Hewitt, la Gellar e Phillippe in na figùra dal film
Mè a sò quél ch't à fat
1997
Regìa: Jim Gillespie
Scritōr: Lois Duncan • Kevin Williamson
Atōr: Jennifer Love HewittSarah Michelle Gellar
Ryan PhillippeJohnny GaleckiDeborah Hobart
Anne HecheMuse WatsonJ. Don Ferguson
Bridgette Wilson-SamprasFreddie Prinze Jr.
Müsica: John Debney
Léngua: Ingléś
Dürä dal film: 96 minüt
Nasiōṅ: Stat Unî


«
Quànd at créd 'd avér cupâ òṅ guàrda bèṅ ch'a sia véra!»
(Tagline dal film)


So cosa hai fatto (Mè a sò quél ch't à fat) 'l è 'n film ad scarésa americàṅ dal 1997 ad Jim Gillespie scrit da Kevin Williamson (quél ad Scream) a partìr da 'n rumànś par baghét ad Lois Duncan. Custâ 17 migliòṅ ad dòlar a 'l incìrca, al 'n à pò purtâ a cà da piò ad 125. Vist al sucès ad cla pelìcula chè, i èṅ stâ girâ anc dū séguit: Incubo finale dal 1998 e Leggenda mortale dal 2006.

Sunt

Southport, Carulìna dal Nòrd, 4 ad Luj: cuma tut i an in dal paéś a s tîṅ un cuncōrs ad belésa par stablìr chi la sia la ragasōla più bèla. A vìnsar l'è la biónda Helen Shivers (Sarah Michelle Gellar) che, par festegiàr, la ciàma sèg tri sò amìg: la Julie (Jennifer Love Hewitt), Ray (Freddie Prinze Jr.) e Barry (Ryan Phillippe). Qvést chè, imbariàg pódag, al vèṅ tirâ dèntar in na casutarìa cun 'n àtar baghét, Max Neurick (Johnny Galecki). Più tard i quàt'r amìg i decìdan ad tōr la màchina p'r andàr a dascórar lung la còsta. Ray, méntar 'l è drē a guidàr, al vèṅ dastràt par Barry e acsè, sénsa vlér, al mét sóta òṅ.

I śóv'n i pénsan 'd avér cupâ un céruv ma invéci a finìr sóta 'l ródi 'l éra stâ 'n óm. Barry 'l è parsuàś che l'ùnica sulusiòṅ la sia quéla ad lugàr al cadàvar ma chi àtar, Julie sóvra ad tut, i n èṅ minga 'd acòrd. L’Helen la và a drē un bèl pôc e la la pòrta da la sò banda e acsè i quàtar i bùt'n in mâr al sò còrp.

A pasa 'n an e i ragàs i aṅ tòlt tut na sò strada. La Julie la ricév na létra minga firmàda cun scrit insìma: "Mè a 'l sò quél ch't à fat l'istâ pasàda". Spavintàda, chi lē la ciàma insém i vèć amìg. Subìt i pénsan ch'a sia un schèrs furtuìt minga tant bèl ma pò anc chi àtar i càtan di bijét cumpàgn dal suo.

Culòna sunóra

Dal film a gh'è dū culòni sunóri, una cun di braṅ strumentài (ad John Debney) e una cun dal canti scriti chè 'd sóta:

  1. Hush - Kula Shaker (2:55)
  2. Summer Breeze - Type O Negative (4:57)
  3. D.U.I. - Offspring (2:26)
  4. Kid - Green Apple Quick Step (3:17)
  5. This Ain't the Summer of Love - L7 (3:09)
  6. Losin' It - Soul Asylum (3:01)
  7. Hey Bulldog - Toad the Wet Sprocket (2:31)
  8. My Baby's Got the Strangest Ways - Southern Culture on the Skids (3:59)
  9. Waterfall - The Din Pedals (3:47)
  10. Clumsy - Our Lady Peace (4:27)
  11. One Hundred Days - Flick (3:40)
  12. Great Life - Goatboy (3:50)
  13. 2 Wicky - Hooverphonic (4:44)
  14. Don't Mean Anything - Adam Cohen (3:43)
  15. Proud - Korn (3:17)

Culegamènt estéran