Raffaella Carrà

Da Wikipedia.
C'l artìcul chè 'l è scrit in Miranduléś Emiliàn
La Raffaella Carrà


«
Pero una tarde que se encuentra mal, regresa pronto para descansar y se encuentra una mujer (¡qué dolor! ¡qué dolor!) dentro de un armario (¡qué dolor! ¡qué dolor!) y el cara dura le dice que le deje que explique que sintió mucho frío y que ha llamado al doctor, y que después de mirarle, le extendió su receta, le dejó a la enfermera que le dé calor.»
(ES)(¡Qué Dolor!, 1984)
«
Però na basóra ch'la n stava minga bèṅ, la tórna a cà par punsàr e la cata na dóna (ac dulōr! ac dulōr!) dènt'r a 'n armàri (ac dulōr! ac dulōr!) e cal grugn lè ad brónś al gh diś ad lasàr-ag cuntàr ch'al gh'iva dimóndi fréd e ch'l à ciamâ 'n dutōr che, dòp avér-al vdû, 'l à butâ śò la sò ricèta, lasànd-ag l'infarméra par dar-ag calōr.»
(MUD)


La Raffaella Carrà, nóm 'd art ad Raffaella Maria Roberta Pelloni (Bulógna, 18 ad Śugn dal 1943), l'è na showgirl, atóra, cantànta, autóra e balarìna itagliàna.

Biugrafìa

Raffaella la crés a Belèria (sò pàdar al gh'iva là 'n bar) ma pò a òt an la lasa la Rumâgna par tgnir a drē a Róma a la Jia Ruskaja, ch'l'iva dâ vita a l'Acadèmmia Nasiunàla ad Dansa. A 'l inìsi di an Sinquànta la taca a recitàr in soquànt film, cuma Tormento del Passato dal 1952 in du la fà la putìna Graziella.

In dal 1960, dòp avér tòlt al diplòma a 'l Sèntar Sperimentàl ad Cinematugrafìa, la fà la sò debùt véra in dal cìnema, in dal film La lunga notte del '43 ad Florestano Vancini e in Il peccato degli anni verdi ad Leopoldo Trieste. La tōś part anch in dagl'atri pelìculi cuma I compagni ad Mario Monicelli e, sóvra ad tut, Il colonnello Von Ryan a fiànc ad Frank Sinatra.

In di an Ssanta i giurnài petégui i la bècan par la sò relasiòṅ cun al śugadōr ad balòṅ Gino Stacchini dla Juventus ch'la dura òt an. In cal mèntar, Raffaella la sarnìs al nóm 'd art ad Carrà (in unōr d'l artìsta Carlo Carrà, cuma al gh'iva dit al regìsta Dante Guardamagna) e la taca a recitàr anc in teàtar.

In di prim méś dal 1962 la taca a lauràr in televiśiòṅ in dal prugràma Tempo di Musica faghénd la valéta ad Lelio Luttazzi.

In dla stagiòṅ 1969-1970 al riva al sucès televiśìṿ, in dal spetàcul Io Agata e tu ch'la fava insém a Nino Taranto e Nino Ferrer e in dua la dà inìsi a 'n stîl nóṿ dal tut ad far la showgirl, dimóndi mudéran. In d'l Aṿtòṅ dal stés an l'è a fiànc ad Corrado in Canzonissima in dua la dà scàndal faghénd védar 'l umbrìgul in dla siggla ch'la vèra la traśmisiòṅ Ma che musica maestro! (Ma ac mùśica mìstar!). Anc 'l an dòp l'è a Canzonissima e lè la dà vita a 'l bal Tuca Tuca e la canta Chissà se va (Giusà s'la và) e la cansòṅ par putèṅ Maga Maghella, persunàǵ invintâ pròpria da lē. In dal 1974 la preśénta Milleluci insém a la Mina e pò incóra la sò tèrsa Canzonissima ma 'sta vòlta da par lē.

Dòp èsar-'s fata cgnósar anc in Spaggna cun al prugràma La hora de Raffaella, in dal 1978 la preśénta al varietà dal Sàbat sira Ma che sera e pò Millemilioni in dal 1981. In dal 1982 la tórna a lauràr insém a Corrado (e a Gigi Sabani e a Renato Zero) a Fantastico 3.

In dal 1983 (e par tri an) la sa spòsta a Meśdè dand vita, insém a 'l sò cumpàgn da na vòlta Gianni Boncompagni, a Pronto, Raffaella?, un salòt televiśìṿ in dua Raffaella la fava dimóndi śuglèṅ a 'l telèfun, dmandànd a la gint quànt faśōi la tgniva in dal baràtul o parchè la t rispónd śal[1].

In dal 1986 l'è la vòlta ad Domenica In prima ad pasàr a Canale 5 par far dū prugràma bèi fiàp in di ascōlt cuma Raffaella Carrà Show e Il principe azzurro. In dal 1989 la tórna in si sò pas faghénd Raffaella venerdì sabato e domenica - Ricomincio da Due par Rai 2 insém a 'l parmśàṅ Scialpi e a la Sabrina Salerno. Turnàda a 'l sucès pîṅ da na vòlta, par Raffaella i s vèran incóra i us dal Sàbat sira cun Fantastico 12 (1991, insém a Johnny Dorelli), Carràmba! Che sorpresa (1995/2002) e Carràmba! Che Fortuna.

In dal 2001 l'è in sal palc ad Sanremo (secónda dóna a far-al dòp la Loretta Goggi) ma da cal mumènt lè in avànti la taca a cumparìr sémpar ad méno in televiśiòṅ. In dal 2011 a vèṅ fóra un remix dal dj francéś Bob Sinclar dna sò canta dal 1976 (A far l'amore comincia tu, A far 'l amōr taca tè) cun al tìtul ad Far l'amore e 'l è un sucès internasiunàl.

A séguit dal taramòt dla basa mudnéśa dal Maǵ dal 2012, Raffaella la decìd ad dar 'n ajùt partecipànd a 'n cuncèrt par catàr sù di fónd, insém a di àtar artìsta dla regiòṅ Emìglia Rumàgna cuma i Nomadi, Francesco Guccini, Zucchero Fornaciari, Nek, la Laura Pausini, Luciano Ligabue, Gianni Morandi e i Modena City Ramblers[2].

«
Mè a sòṅ nada a Bulógna, mè pàdar 'l è emigliàṅ, mè màdar rumagnōla. Mè a sòṅ chè stasìra par tri mutìṿ, al prim 'l è ch'a vój che tut vuàtar dal stadi Dall'Ara ch'a sî chè mèg a dâ 'n abràs dimóndi fòrt a tut al parsòni ch'i èṅ drē a guardàr-as incóra da sóta 'l téndi, nuàtar a sém chè parchè a v vlém bèṅ, a v vlém dar dal curàǵ, fòrsa e andém avànti, veramènt a v sintém in dal cōr, tut qvést chè 'l è par vò. Secónd mutìṿ, far, tut nuàtar, quél ch'a s pōl par jutàr cla regiòṅ chè fòrta e pîna ad curàǵ, a 'l fém ma mè a 'l dig a tut gl'itagliàṅ adès, fâ cal 45500 chè da telefunèṅ o da telèfun fis e dunâ dū euro par la ricustrusiòṅ ad cal taramòt chè maladî, a gh'ém da custruìr incóra. Al tèrs e ùltim mutìṿ, e par quést chè a gh'ém pò da far-as sintìr fòrt, a dascór a i putènt dl'Itàglia, vuàtar a gh'î da, par piaśér!, par piaśér!, réndar alśéra cla burocrasìa chè treménda in di cunfrònt dl'Emìglia e a gh'î da far-al subìt!, a v al dmand in śnòć!, subìt tut i piàṅ ch'a gh'î in mènt. Mè, baghét, a n al sò minga s'i s ascultaràṅ, ma in tut al manéri stasìra nuàtar a gh'ém da far dimóndi, ma dimóndi STUS!»
(Al sò apèl dal 25 ad Śugn dal 2012 in sal palc ad Bulógna)


Filmugrafìa

Discugrafìa

Àlbum

  • 1970 - Raffaella
  • 1971 - Raffaella Carrà
  • 1972 - Raffaella... Senzarespiro
  • 1973 - Scatola a sorpresa
  • 1974 - Milleluci
  • 1974 - Felicità tà tà
  • 1976 - Forte forte forte
  • 1977 - Fiesta
  • 1978 - Raffaella
  • 1979 - Applauso
  • 1980 - Mi spendo tutto
  • 1982 - Raffaella Carrà 82
  • 1983 - Fatalità
  • 1984 - Bolero
  • 1985 - Fidati
  • 1986 - Curiosità
  • 1988 - Raffaella
  • 1990 - Inviato speciale
  • 1991 - Raffaella Carrà
  • 1993 - Hola Raffaella
  • 1996 - Carramba che rumba

Racòlti

  • 1975 - Il meglio di Raffaella Carrà
  • 1977 - I successi di Raffaella Carrà
  • 1977 - Ritratto di... Raffaella Carrà
  • 1978 - Carrà sera
  • 1982 - Fantastica!
  • 1984 - Pronto... Raffaella?
  • 1987 - I grandi successi di Raffaella Carrà
  • 1988 - Parti di me
  • 1993 - I miei successi
  • 1994 - I successi di Raffaella Carrà
  • 1996 - Fantastica Carrà
  • 1997 - Gli anni d'oro
  • 1997 - Raffaella Carrà
  • 1998 - Raffaella Carrà
  • 1999 - Fiesta - I grandi successi
  • 2000 - Tutto Carrà
  • 2000 - Raffaella Carrà
  • 2000 - I grandi successi originali
  • 2001 - Fiesta - I grandi successi
  • 2001 - Raffaella Carrà
  • 2005 - Raffaella Carrà
  • 2006 - Raffaella Carrà
  • 2007 - Raffica
  • 2008 - Raffica - Balletti & duetti
  • 2011 - I miei successi (3CD)

Sìngui

  • 1970 - Ma che musica maestro/Non ti mettere con Bill
  • 1970 - Reggae Rrrrr! (Parte Prima)/Reggae Rrrrr! (Parte Seconda)
  • 1971 - Chissà chi sei/Dudulala
  • 1971 - Chissà se va/Perdono, non lo faccio più
  • 1971 - Tuca tuca/Vi dirò la verità
  • 1972 - Maga maghella/Papà
  • 1972 - Borriquito/Raindrops keep fallin on my head
  • 1972 - Accidenti a quella sera/Tuca tuca si
  • 1973 - T'ammazzerei/Era solo un mese fa
  • 1974 - Din don dan/Bumba mama
  • 1974 - Rumore/Sì, ci sto
  • 1974 - Felicità tà tà/Ma che sera
  • 1974 - Rumore/Mi viene da piangere
  • 1974 - Felicità tà tà/Il guerriero
  • 1975 - Male/Sciocco
  • 1975 - Tornerai/53 53 456
  • 1976 - Forte forte forte/A far l'amore comincia tu
  • 1977 - Fiesta/A far l'amore comincia tu
  • 1977 - Black cat/California
  • 1977 - Tanti auguri/A million dollars/Black cat
  • 1978 - Tanti auguri/Amoa
  • 1979 - E salutala per me/Ciak
  • 1980 - Pedro/Maria Marì
  • 1980 - Mi spendo tutto/Io non vivo senza te
  • 1981 - Caliente caliente/Adios amigo
  • 1982 - Ballo ballo/Dammi un bacio
  • 1983 - Soli sulla luna/Ahi
  • 1983 - Fatalità/Nè con te, nè senza te
  • 1984 - Que dolor/Spera, aspetta e spera
  • 1984 - Dolce far niente/Io ti amo
  • 1984 - Buon Natale/Amico
  • 1985 - Amico/Tele telefonarti
  • 1985 - Fidati!/Bacio
  • 1988 - Voglio tutto soprattutto te/Abbracciami
  • 1990 - Ballando soca dance/Sognando soca dance
  • 1999 - Presidance (insém a Elio e le Storie Tese)

Culegamènt estéran

Nòti