Nek
Artéccol in dialètt mudnés 
In du è-la la Laura? la m manca ta l sa, a gh'è al caś ch'a gh sia 'n àtar davśèṅ a lée. A t giur ch'a n gh'ò mai pinsâ ch'a psis sucédar propia a nuàtar, lée la ś móṿ dèntar a 'n àtar abràs in sima a un còrp ch'a n è piò al mio, mè acsè a n gh la fag piò...»
Nek (Filippo Neviani 'l è al sò nóm vèr) 'l è un cantant itaglian.
Indice |
[modifica] Biugrafìa
Nek al nas a Sasól in Pruvincia ad Mòdna al 6 ad Śnar dal 1972. In vint an ad carèra 'l à vindû 7 migliòṅ ad disc a 'l incirca.
[modifica] Prim pas
In dal 1991 al taca la carèra sulista e al vins al festival ad Castruchèra cun al braṅ io ti vorrei (mè a t vrév). Al prim àlbum, inciś par la Fonit Cetra in dal 1992, al s intitula Nek e al gh'à dal ciari influénsi a la muśica country e a Sting. In dal 1993 al s preśénta a Sanremo cun la canta In te ch'la s piasa tersa in dal nóvi pruposti. L'eśibisiòṅ la scaténa un pandemòni: la cansòṅ la vin giudicada un manifèst ciar contra 'l abòrt e la fa crésar al rabiaduri dal feministi, da gl'aburtisti e ad sèrt pulìtig ad sinistra. 'L album umònim al cuntèṅ nóṿ braṅ ma sól siée i èṅ inedit.
[modifica] Calore umano
In dal 1994 al fa gnir fóra al sò tèrs àlbum Calore umano dimondi più madur di precedent. Al festival itagliàn al s clasifica al second post cun Angeli nel ghetto.
[modifica] Lei, gli amici e tutto il resto
'L àlbum seguènt dal 1997 'l è Lei, gli amici e tutto il resto (Lée, gl'amig e tut al rèst). La sò ristampa la cuntèṅ la cansòṅ ad sucès, diretament da Sanremo, Laura non c'è (Laura la n gh'è minga) un braṅ inciś anc in di atri lingui cuma 'l ingléś, al spagnól e al francéś. Nek a s fa cgnósar in Itaglia (più ad 600.000 còpi vindudi), in Europa e in dal mónd (3 migliòṅ ad còpi in tutàl). I àtar du singui dal disc i èṅ Dimmi cos'è (Dim cuś'l è) e Sei grande (At sée grand).
[modifica] In due
In due, al disc nóṿ, al vèṅ publicâ 'l an dòp. La versiòṅ spagnóla la s ciama Entre tú y yo. Anc c'l album chè, fat in 28 dè e basta, al vénd dimondi. Nek al canta Se io non avessi te (Se mè a n gh'is minga te) al Festivalbar e quést chè 'l è òṅ di quàtar singui insém a Sto con te (A stag tèg), Se una regola c'è (Se na règula la gh'è) e Con un ma con un se (Cun un ma cun un se).
[modifica] La vita è / Le cose da difendere
Al sèst album 'l è dal 2000 e al s ciama La vita è (La vita l'è) e al cuntèṅ al singul Ci sei tu (Ta gh sée tè). Du an dòpa 'l è al tùran ad Le cose da difendere (Al ròbi da diféndar) ch'a s carateriśa par la preśénsa dal duet Sei solo tu (At sée sól tè) cantâ cun Laura Pausini.
[modifica] The Best of Nek - L'anno zero
Al 2003 'l è 'l an ad The Best of Nek - L'anno zero (Al méj ad Nek - 'l an śèr), na racòlta cun 18 braṅ e gl'inedit Almeno stavolta e L'anno zero ch'la vénd 250.000 còpi in Itaglia.
[modifica] Una parte di me
Al 13 ad Maǵ dal 2005 Nek al publica Una parte di me (Una part ad mè). Sucesivament al partecipa al Live 8 in du al canta Almeno stavolta, Se io non avessi te e al nóṿ sìngul Lascia che io sia (Lasa ch'a sia) ch'al vins al Festivalbar e al gh'à dimondi sucès in Spaggna cun al tìtul Para ti seria. I àtar du singui i èṅ Contromano (Contramàṅ) e L'inquietudine.
[modifica] Nella stanza 26
In dal 2006 al fa gnir fóra Nella stanza 26 (In dla stansa 26) e al canta Si viaggiare (Sè viaśàr), na cover ad Lucio Battisti cuntgnuda in dal tribùt Innocenti evasioni 2006 fat insém a Luciano Ligabue, Samuele Bersani, Giorgia e Max Pezzali.
[modifica] Discugrafìa
[modifica] Album
- 1992 - Nek
- 1993 - In te
- 1994 - Calore umano
- 1997 - Lei, gli amici e tutto il resto
- 1998 - In due
- 2000 - La vita è
- 2002 - Le cose da difendere
- 2003 - The Best of Nek - L'anno zero
- 2005 - Una parte di me
- 2006 - Nella stanza 26
- 2009 - Un'altra direzione
