La terza madre

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg La terza madre
Tre madri.png
L'Asia Argento e Adam James in na figùra dal film
La tèrsa màdar
2007
Regia: Dario Argento
Scritùr: Dario Argento • Adam Gierasch • Walter Fasano
Simona Simonetti • Jace Anderson • Thomas de Quincey
Atùr: Asia ArgentoAdam JamesPhilippe Leroy
Udo KierCoralina Cataldi TassoniDaria Nicolodi
Moran AtiasValeria CavalliMassimo Sarchielli
Müsica: Claudio Simonetti
Dürä dal film: 97 minüt
Lengua: Itagliàn
Nasiòun/Paèiş: {{{Nasiòun/Paèiş}}}


«
Qvél ch'at véd a n eśìst minga, qvél ch'ta n véd minga l'è la véra.»
(Tagline dal film)


La terza madre (La tèrsa màdar) 'l è 'n film ad scarésa dal 2007 ad Dario Argento ispirâ a 'l lìbar Suspiria De Profundis ad Thomas de Quincey. Al cònta la stòria dla tèrsa màdar infernàla, Mater Lacrimarum, srand al sérć dal tri màdri dòp Suspiria dal 1997 e Inferno dal 1980.

Al film 'l à muciâ sù 2 migliòṅ 'd Euro in tut e 'l è stâ prudót par la Medusa e Opera Film.

Sunt

La Sarah Mandy (Asia Argento), na śóvna archeòluga americàna, la vèṅ ciamàda a Róma da la sò amìga Giselle Mares (Coralina Cataldi Tassoni) par vèrar na scatla vècia tiràda sù durànt di scâṿ in un campsànt a Vitèrub e ch'l'éra dla Mater Lacrimarum, ultma dóna incóra in vita 'd un grup ad tri strìi négri. Lè dèntar chi lōr dū i gh càtan al statṿi in pìcul dal tri màdar, un vistî rós dna vòlta e un pugnàl cun al mànag in òr. Tut 'd un trat, méntar Sarah l'è in n'atra cambra, i sàltan fóra na dóna, na simmia e tri dèmun ch'i ciàpan sòdi la pòvra Giselle śbragànd-ag la bóca e strusànd-la druànd i sò lat tirâ fóra da la pansa. Sarah la véd incòsa ma la n pōl far gnint in sò ajùt, sōl scapàr via e ciamàr la pulisìa. Al cumisàri Enzo Marchi (Cristian Solimeno) al fà però fadìga a créd'r-ag.

Sarah e Michael Pierce (Adam James), al curadōr dal muśèo ch'al gh'à 'n fiōl da par lò, i s métan a investigàr par cònt lōr parchè lè in sità i tàcan a sucédar dal ròbi ad c'l àtar mónd: masamènt sénsa di mutìṿ, gint ch'la dvénta mata e epiśòdi 'd eśurcìśum. Soquànti strìi i rivàn lè da tut al mónd parchè la Mater Lacrimarum (Moran Atias) la s è daśdàda incóra. Al munśgnór Brusca (Franco Leo), ch'l iva spidî la scatla a Michael, al patìs 'n ìctus pròpria méntar 'l éra drē a scrìvar al nóm dla strìa insìma a 'n fujét.

Armàsta da par lē parchè al strìi i ìvan tòlt Michael e sò fiōl Paolo par masàr-i, Sarah la cgnós a cà dal prevòstar Johannes (Udo Kier) la Marta Colussi (Valeria Cavalli), na strìa biànca ch'la la mét in cuntàt cun al spìrit ad sò màdar, Elisa Mandy (Daria Nicolodi), una che soquànt an prima la s éra misa còntar la Mater Suspiriorum, surèla dla Mater Lacrimarum. Anca Sarah l'è na strìa biànca e la gh'à da purtàr avànti l'òpra. Mént'r al prêt 'l è drē a cuntàr la stòria dal tri madri, al vèṅ cupâ a cólp ad manarèṅ p'r òpra dla Valeria (Barbara Mautino), la guernànta ucraìna. A riva anc al tùran ad Marta (insfilsàda cun na lansa in dla pèpa) e dla sò amànta Elga (Silvia Rubino).

Par saltàr-ag fóra, Sarah la và a dascórar cun 'l architét e alchimìsta Guglielmo De Witt (Philippe Leroy) ch'al gh diś 'd andàr a védar al Palàs Varelli in dua a gh stava la Màdar dal Làgarmi.

Culegamènt estéran