Non ho sonno
| C'l artìcul chè 'l è scrit in Miranduléś |  |
| Non ho sonno | ||
 la Rossella Falk e Max Von Sydow in na figùra dal film |
||
| A n gh'ò mia són 2001 |
||
|---|---|---|
| Regia: Dario Argento | ||
| Scritùr: Dario Argento • Franco Ferrini • Carlo Lucarelli | ||
| Atùr: Max Von Sydow • Stefano Dionisi • Chiara Caselli Rossella Falk • Gabriele Lavia • Paolo Maria Scalondro Roberto Zibetti • Roberto Accornero • Diego Casale |
||
| Müsica: Goblin | ||
| Dürä dal film: 112 minüt | ||
| Lengua: Itagliàn | ||
Non ho sonno (A n gh'ò mia són) 'l è 'n film ad scarésa dal 2001 ad Dario Argento girâ tut a Turén. Al gh'à abû dū nomination a i nàstar 'd argènt, p'r al muntàǵ 'd Anna Rosa Napoli e par la culòna sunóra di Goblin. La "Filatéla dal Fatōr" druàda in dal film l'è stada scrita da sò fiōla Asia Argento.
Sunt
Turén 1983. Al baghét Giacomo Gallo (Stefano Dionisi) al véd 'l umisìdi ad sò màdar fat cun un sibiōl ad metàl. Al cumisàri Ulisse Moretti (Max Von Sydow) al gh prumét ch'al ciaparà 'l asasèṅ. Dòp 17 an dū putàni i vènan masàdi parchè i ìvan tòlt par śbali na busta 'd un sò cliènt cun dèntar dal foto e di artìcui ligâ a i masamènt dal pasâ. Ulisse, in cal méntar andâ in pensiòṅ, al s mét a pascàr Vincenzo De Fabritiis (Luca Fagioli) dit al "Naṅ", un scritōr ad śal ch'a s cardìva ch'l is masâ in alóra almànc tri parsóni. Al gh dà na maṅ anc Giacomo, turnâ in dal sità piemuntéśa da Róma in du al s éra stablî, par savér chi è stâ a masàr sò màdar. Gallo al 'n inprufìta p'r andàr a catàr i sò vèć amìg Lorenzo (Roberto Zibetti) e Gloria (Chiara Caselli), na ragasóla ch'la sòna l'arpa.
I masamènt i tàcan ad nóṿ e al killer al lasa sèmpar, davśèṅ a i cadàvar, di artàj ad cartòṅ cun la fórma ad bèsti tut al vòlti difarénti: gat, cunèṅ, sign, nimàl e gal, tgnénd a drē a la "Filatéla dal Fatōr", un lìbar par putèṅ scrit soquànt an prima pròpria da 'l Naṅ prima ad butàr-as śò in dal Po, acsè a s pinsàva.
Par savér-an da piò, Ulisse e Giacomo i vaṅ a cà dla màdar dal "Naṅ", Laura De Fabritiis (Rossella Falk).
