Non ho sonno

Da Wikipedia.

C'l artìcul chè 'l è scrit in Miranduléś Emiliàn

Non ho sonno

La Falk e Max Von Sydow in na figùra dal film
A n gh'ò mia són
2001
Regìa: Dario Argento
Scritōr: Dario Argento
Franco Ferrini • Carlo Lucarelli
Atōr: Max Von SydowPaolo Maria Scalondro
Stefano DionisiChiara CaselliRossella Falk
Gabriele LaviaRoberto ZibettiDiego Casale
Roberto AccorneroElisabetta Rocchetti
Müsica: Goblin
Léngua: ItagliàṅIngléś
Dürä dal film: 112 minüt
Nasiōṅ: Itàglia


«
Al dà più śgriśōr ad Jack al Squartadōr.»
(Tagline dal film)


Non ho sonno (A n gh'ò mia són) 'l è 'n film ad scarésa dal 2001 ad Dario Argento girâ tut a Turèṅ. 'L è stâ girâ c'n un budget stimâ ad quàtar migliòṅ ad dòlar faghénd pò sù da piò ad sinc migliàrd ad franc sōl in Itàglia.

Al gh'à abû dū nomination a i nàstar 'd argìnt, p'r al muntàǵ dl'Anna Rosa Napoli e par la culòna sunóra di Goblin. La “Filatéla dal Fatōr” druàda in dal film l'è stada scrita par sò fiōla, l'Asia Argento.

Sunt

Turèṅ 1983. Al baghét Giacomo Gallo (Stefano Dionisi) al véd 'l umisìdi ad sò màdar fat c'n un sibiōl ad metàl. Al cumisàri Ulisse Moretti (Max Von Sydow) al gh prumét ch'al ciaparà al sasèṅ. Darsèt an dòp dū putàni i vènan masàdi, la prima in sal trên, la secónda in stasiòṅ, e qvést parchè i ìvan tòlt sù par śbali na busta 'd un sò cliènt cun dèntar dal foto e di artìcui ligâ a i masamènt dal pasâ.

Ulisse, in cal méntar andâ in pensiòṅ, al s mét a pascàr Vincenzo De Fabritiis (Luca Fagioli) dit al "Naṅ", un scritōr ad śai ch'a s cardìva ch'l is masâ in alóra almànc tri parsòni. Al gh dà na maṅ anc Giacomo, turnâ in dal sità piemuntéśa da Róma in du al s éra stablî, par savēr chi 'l è stâ a masàr sò màdar. Gallo al 'n inprufìta p'r andàr a catàr i sò vèć amìg Lorenzo (Roberto Zibetti) e la Gloria (Chiara Caselli), na ragàsa ch'la sòna l'arpa.

I masamènt i tàc'n ad nóṿ e 'l killer al lasa sèmpar, davśèṅ a i cadàvar, di artàj ad cartòṅ cun la fórma ad bèsti tut al vòlti difarènti: gat, cunèṅ, sign, nimàl e gal, tgnénd a drē a la "Filatéla dal Fatōr", un lìbar par putèṅ scrit soquànt an prima pròpria da 'l Naṅ prima ad butàr-as śò in dal Po, acsè a s pinsàva.

«
L'è rivàda meśanòt, c'n al lèt a fag a bòti. Adès a taca la mè guèra c'n al bèsti dla tèra... N'óra dòp meśanòt: al fatōr 'l è cuntènt cuma 'n putèṅ. Al taja la góla a 'l sò ninét più bèl e al s libra da 'l prim fardèl. Dū óri dòp meśanòt: adès a tóca a 'l gal! Al dróa bèṅ al sò strumènt, par la mòrt 'l è 'n gudimènt. Tri óri dla matìna: a-j-ò ciapâ 'n gatèṅ ma p'r al fat ch'al 'l à śgranfgnâ, in dl'àqua ślada al 'l à andgâ. Sinc óri dla matìna: al fatōr 'l è in dal giardèṅ al carésa a 'l cunèṅ piculèṅ e pò 'l al stablìs cónt'r al mur par gudiōl. Siē óri dla matìna: al sign più bèl al gh'à la tèsta tajàda, adès a n gh armàgn gnanc un nemìg. Ca'l lè ch'a riva al dè nóṿ, al fatōr al s fà da na banda, al sò àrmi al pōl pugiàr e finalmènt al pōl durmìr.»

Par savér-an da piò, Ulisse e Giacomo i vaṅ a cà dla màdar dal "Naṅ", la Laura De Fabritiis (Rossella Falk).

Culegamènt estéran