La città verrà distrutta all'alba (film 1973)
|
C'l artìcul chè 'l è scrit in
Miranduléś |
 The Crazies
| ||
| La città verrà distrutta all'alba | ||
.png) La Carroll e Will MacMillan in na figùra dal film | ||
| La sità la sarà dasfàta a l'élba 1973 | ||
|---|---|---|
| Regìa: George A. Romero | ||
| Scritōr: Paul McCollough • George A. Romero | ||
| Atōr: Harold Wayne Jones • Will MacMillan Lane Carroll • Richard France • Richard Liberty Lynn Lowry • Harry Spillman • Will Disney | ||
| Müsica: Bruce Roberts | ||
| Léngua: Ingléś | ||
| Dürä dal film: 103 minüt | ||
| Nasiōṅ: Stat Unî | ||
La città verrà distrutta all'alba (La sità la sarà dasfàta a l'élba) 'l è 'n film ad scarésa fantàstic dal 1973 ad George A. Romero. In di Stat Unî 'l è cgnusû c'n al nóm ad “The Crazies” o anc “Code Name: Trixie”.
La pelìcula la n à muciâ sù gnanc sènt-sinquantamìla dòlar dòp ès'r-an custàda duśènt-stantasincmìla. In dal 2010 'l è vgnû fóra 'n arfacimènt ch'al pòrta 'l stés nóm dirèt par Breck Eisner.
Sunt
In dla sitadìna 'd Evans City, in dla Pennsylvania, i èṅ drē a sucédar di far strâṅ: la gint la taca a impiàr dapartùt di fōg sénsa mutìṿ cuma s'i fùsan tut dvintâ mat a 'l impruvìś. Al cap di pumpēr David (Will MacMillan) 'l è dimóndi in pisēr acsè cuma la Judy (Lane Carroll), la sò muróśa infarméra, ch'la gh'à 'd avér fiōl da lò. Anc un sò culéga in segrét inamurâ dla sò dóna, Clank (Harold Wayne Jones), 'l è preucupâ.
In mèś a cal sapèl lè a riva 'd cursa al magiōr Ryder (Harry Spillman) cun tut 'n armamentàri ad tuti NBC e di strumènt letrònic par védar s'in gir a gh'è dla radioatività parchè 'n bumbardēr d'l eśèrcit americàṅ al s éra péna stablî atàc a na culìna lè davśèṅ faghénd vgnir fóra n'arma biulògica ciamàda „Trixie“ ch'l'è bòna 'd insiminìr la gint faghénd in manéra ch'al parsòni i èṅ pò custréti a cupàr e a śbragàr incòsa. Adès cal vìrus lè 'l è anc finî in d'l aquedót.
A Washington DC al culunèl Peckem (Lloyd Hollar) e 'l siensiâ Watts (Richard France) i èṅ drē a strulgàr na sulusiòṅ par saltàr-'g-an fóra.