Martin
|
C'l artìcul chè 'l è scrit in
Miranduléś |
 Martin
| ||
 John Amplas in na figùra dal film | ||
| id. (cgnusû anc c'n al nóm ad Wampyr) 1978 | ||
|---|---|---|
| Regìa: George A. Romero | ||
| Scritōr: George A. Romero | ||
| Atōr: John Amplas • Lincoln Maazel • Tom Savini Christine Forrest • J. Clifford Forrest Jr. James Roy • Sara Venable • George A. Romero Elyane Nadeau • Donaldo Soviero • Donna Siegel Roger Caine • James Roy • Francine Middleton | ||
| Müsica: Donald Rubinstein | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Martin (cgnusû anc c'n al nóm ad Wampyr) 'l è 'n film ad scarésa dal 1976 ad George A. Romero. 'L è stâ girâ c'n un budget ad sōi utànta-mila dòlar a Braddock (Pennsylvania) in dl'istâ dal 1976 e preśentâ a 'l Fèstival ad Cannes dal 1977.
P'r al marcâ europeo, Dario Argento al 'l à 'rmuntâ in na manéra difarénta śuntànd-'g anc al mùśichi di Goblin.
Sunt
Martin (John Amplas), un śōvan ad darsèt an sénsa genitōr, al créd 'd ès'r un vampîr e al dròga cal dóni par pò ciuciàr-'g al sangṿ faghénd-ag di taj a i pōls cun na laméta. Chi lò al và a star in Pennsylvania a cà ad sò sîṅ Tada Cuda (Lincoln Maazel), catòlic luteràṅ, e ad sò cuśìna Christine (Christine Forrest).
Tada 'l è sicûr che sò anvō al sia 'n vampîr dabòṅ e 'l al tōś in cà malvluntéra ma pò al próa a paràr-al via stramnànd in gir dal cadnìni 'd aj e 'n crusifìs che però i n gh'aṅ minga efèt.
Martin al và a pascàr al sò vitmi in sità, fra dóni, làdar e vendidōr ad dròga. In cal méntar al lavóra anc in dla pcarìa ad sò sîṅ. Durànt na cunséggna al cgnós na raśdōra ch'la viṿ da par lē, la sgnóra Saltini (Elyane Nadeau).