Dèmoni

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Dèmoni
Demoni.png
Dū malnét strusâ da 'n dèmun in na figùra dal film
Dèmun
1985
Regia: Lamberto Bava
Scritùr: Dario Argento • Lamberto Bava • Franco Ferrini
Dardano Sacchetti
Atùr: Natasha HoveyKarl ZinnyPaola CozzoFiore Argento
Urbano BarberiniNicoletta ElmiFabiola ToledoGeretta Geretta
Müsica: Claudio Simonetti • Mötley Crüe • Billy Idol • Go West
Saxon • Rick Springfield • Scorpions • The Adventures • Accept
Dürä dal film: 88 minüt
Lengua: Italiàn
Nasiòun/Paèiş: Itàglia


«
I faràṅ di campsànt al vòstri catidràli e dal sità al vòstri tómbi.»
(Tagline dal film)


Dèmoni (Dèmun) 'l è 'n film ad scarésa dal 1985 ad Lamberto Bava prudót par Dario Argento, cun gl'efèt speciài ad Sergio Stivaletti.

Al gh'à abû un séguit in dal 1986, Dèmoni 2... L'incubo ritorna, sèmp'r ad Bava.

Sunt

La śóvna Cheryl (Natasha Hovey) la s cata da par lē śò da la metrupulitàna quànd 'n óm al gh dà un bijét a gràtis p'r al cìnema Metropol, ch'al spiàna pròpria cla sira lè, in du i dànan un film ad scarésa cun di baghét ch'i decìdan ad nòt 'd andàr a vèrar la fòsa ad Nostradamus. P'r a n andàr briśa a scóla, lē la in tōś dū luntéra, òṅ anc par la sò amìga Kathy (Paola Cozzo). Quànd i rìvan là i càtan ad fóra un munumènt ad fèr 'd un cavalér insìma a na mòta cun adòs na mascra da dèmun, pròpria cuma quél ch'al gh'iva śibî i umàǵ. Na rója ad culōr, la Rosemary (Geretta Geretta), la decìd ad pruàr-'s-la e, faghénd acsè, la s fà 'n taj a la ganàsa, sóta i òć dl’Ingrid (Nicoletta Elmi), la dóna dla casa. Andàda in sala, par 'l inìsi dal film, chi lē la fà a mènt che da cal buś lè a taca a gnir fóra dal sangṿ e acsè la và in di cèso par mét'r-ag quèl. In frònt a 'l spèć però la véd al castròṅ impinìr-'s ad matèria che pò la sćiòpa tut 'd un cólp da tant ch'l éra stóp. Dòp soquànt tèmp na sò amìga putàna sò para la la và a pascàr in dal lìcit e chi lē, dvintàda in cal méntar un dèmùn cun al gòmit vérd ch'al gh śbrudèla sò da i làbar, la la śgranfgna in sal grung, arduśénd-la a móstar anca lē.

In dal cìnema i tàcan a sucédar di fat spavintóś pròpria cuma in dla pelìcula ch'l'è drē a véd'r-as in dla sala: masamènt, sîg e dèmun da tut al bandi. I us i èṅ sarâ a ciàṿ e ninsòṅ al pōl scapàr via.

La Cheryl e la Kathy, insém a dū amìg cgnusû lè, George (Urbano Barberini) e Ken (Karl Zinny), i tàcan acsè a far da tut par salvàr-as la vita.

Culòna sunóra

  1. Demon - Claudio Simonetti
  2. Save Our Souls - Mötley Crüe
  3. White Wedding - Billy Idol
  4. Cruel Demon -Claudio Simonetti
  5. We Close Our Eyes - Go West
  6. Killing - Claudio Simonetti
  7. Threat - Claudio Simonetti
  8. Everybody Up - Saxon
  9. Walking on the Edge - Rick Springfield
  10. Dynamite - Scorpions
  11. Send My Heart - The Adventures
  12. Out of Time - Claudio Simonetti
  13. Fast As A Shark - Accept
  14. The Evil One - Claudio Simonetti
  15. Demon (Reprise) - Claudio Simonetti
  16. Pretty Maids - Night Danger

Culegamènt estéran