Zombi
|
C'l artìcul chè 'l è scrit in
Miranduléś |
 Dawn of the Dead
| ||
| Zombi | ||
 La Gaylen Ross in na figùra dal film | ||
| Śómbi 1978 | ||
|---|---|---|
| Regìa: George A. Romero | ||
| Scritōr: George A. Romero | ||
| Atōr: Ken Foree • David Emge • Gaylen Ross Scott H. Reiniger • David Crawford • David Early | ||
| Müsica: Goblin • Dario Argento | ||
| Léngua: Ingléś | ||
| Dürä dal film: versiòṅ 'd Argento 117 minùt versiòṅ ad Romero 128 minüt | ||
| Nasiōṅ: Stat Unî • Itàglia | ||
Zombi (Śómbi) 'l è 'n film ad scarésa dal 1978 ad George A. Romero, secónd capìtul dla saga di mòrt viṿ dòp La notte dei morti viventi (1968) e prima 'd Il giorno degli zombi (1985), La terra dei morti viventi (2005), Le cronache dei morti viventi (2007) e Survival of the Dead - L'isola dei sopravvissuti (2009). Al gh'à abû 'n afracimènt in dal 2004, L'alba dei morti viventi, dirèt par Zack Snyder.
'L è stâ prudót anc par Dario Argento ch'l à tgnû adrē anc a la distribusiòṅ e a 'l muntàǵ in Europa. Custâ un migliòṅ e mèś ad dòlar, al 'n à pò fat sù sinquànta-sinc.
Sunt
In di Stat Unî 'l è drē a sucéd'r al finimónd parchè a n s sà minga al parchè ma i mòrt i tórn'n a vìvar cuma śómbi e in dal fàr-al i tàc'n a magnàr la gint sćiancànd-ag via la carna. In di studi dal canàł televiśìṿ WGON a Philadelphia, durànt la tèrsa stmana ad cal pandemòni lè, 'l agìnt Stephen Andrews (David Emge) e la Francine (Gaylen Ross) i decìd'n ad fargàr 'n elicòtar par scapàr via da 'd lè prima ch'a sia tròp tard. I tōśan sèg anc dū mémbar dla squàdra anti-terurìśum SWAT, Roger DiMarco (Scott H. Reiniger) e Peter Washington (Ken Foree).
Durànt al vōl a finìs al carburànt e al grup 'l è custrét a catàr ripâr in un sèntar cumersiàł dimóndi grand in dua a n gh'è ninsòṅ. Par paùra di śómbi i quàt'r i s sèran dènt'r e i decìdan 'd armàgnar lè ma 'n quàlc mòrt viṿ al gh la cava a insfilsàr-as dèntar listés e Roger al vèṅ murśgâ. Par furtùna che lè dèntar dal magnàr a gh 'n è abàsta ma di àtar śómbi i èṅ drē a rivàr.