La città verrà distrutta all'alba (film 1973)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Crazies
La città verrà distrutta all'alba
Città verrà distrutta all'alba (film 1973).png
La Lane Carroll e Will MacMillan in na figùra dal film
La sità la sarà dasfàta a l'élba
1973
Regia: George A. Romero
Scritùr: Paul McCollough • George A. Romero
Atùr: Lane CarrollHarold Wayne Jones
Will MacMillanLynn LowryRichard Liberty
Müsica: Bruce Roberts
Lengua: Ingléś
Dürä dal film: 103 minüt
Nasiòṅ: Stat Unî


«
Mo parcòsa la gint bòna è-la drē a murìr?»
(Tagline dal film)


La città verrà distrutta all'alba (La sità la sarà dasfàta a l'élba) 'l è 'n film ad scarésa fantàstic dal 1973 ad George A. Romero. In di Stat Unî 'l è cgnusû c'n al nóm ad “The Crazies” o anc “Code Name: Trixie”.

La pelìcula la n à muciâ sù gnanc sènt-sinquantamìla dòlar dòp ès'r-an custàda duśènt-stantasincmìla. In dal 2010 'l è vgnû fóra 'n arfacimènt ch'al pòrta 'l stés nóm dirèt par Breck Eisner.

Sunt

In dla sitadìna 'd Evans City, in dla Pennsylvania, i èṅ drē a sucédar di far strâṅ: la gint la taca a impiàr dapartùt di fōg sénsa mutìṿ cuma s'i fùsan tut dvintâ mat a 'l impruvìś. Al cap di pumpēr David (Will MacMillan) 'l è dimóndi in pisēr acsè cuma la Judy (Lane Carroll), la sò muróśa infarméra, ch'la gh'à 'd avér fiōl da lò. Anc un sò culéga in segrét inamurâ dla sò dóna, Clank (Harold Wayne Jones), 'l è preucupâ.

In mèś a cal sapèl lè a riva 'd cursa al magiōr Ryder (Harry Spillman) cun tut 'n armamentàri ad tuti NBC e di strumènt letrònic par védar s'in gir a gh'è dla radioatività parchè 'n bumbardēr d'l eśèrcit americàṅ al s éra péna stablî atàc a na culìna lè davśèṅ faghénd vgnir fóra n'arma biulògica ciamàda „Trixie“ ch'l'è bòna 'd insiminìr la gint faghénd in manéra ch'al parsòni i èṅ pò custréti a cupàr e a śbragàr incòsa. Adès cal vìrus lè 'l è anc finî in d'l aquedót.

A Washington DC al culunèl Peckem (Lloyd Hollar) e 'l siensiâ Watts (Richard France) i èṅ drē a strulgàr na sulusiòṅ par saltàr-'g-an fóra.

Culegamènt estéran