Bob Dylan

Da Wikipedia.

C'l artìcul chè 'l è scrit in Miranduléś Emiliàn

Dylan a 'l Azkena Rock Festival 2010


«
If your mem'ry serves you well, we were goin' to meet again and wait so I'm goin' to unpack all my things and sit before it gets too late, no man alive will come to you with another tale to tell but you know that we shall meet again if your mem'ry serves you well, this wheel's on fire, rolling down the road.»
(EN)(This wheel's on fire, 1967)
«
Se la tò memòria la t sarvìs bèṅ a gh'ìvan da incuntràr-'s incóra e spetàr dònca a m in vag a dasfàr la mè ròba e a sintàr-um prima ch'a sia tròp tard, gnanc na parsòna viva la vgnarà da tè cun n'atra stòria da cuntàr ma tè 't al sà ch'a s catarém incóra se la tò memòria la t sarvìs bèṅ, cla rōda chè la ciàpa fōg in dal méntar ch'la ruśla lung la strada.»
(MUD)


Robert Allen Zimmerman, cgnusû méj c'n al nóm 'd art ad Bob Dylan (Duluth, 24 ad Maǵ dal 1941, a s lèś [bɑb ˈdɪlən] in ingléś), 'l è 'n cantaṿtōr e sunadōr americàṅ mo anc scritōr, puvéta, atōr, pitōr, scultōr e cuntutōr rediufònig.

In dla sò caréra, ch'l'à ciapâ 'l vōl in di an Ssanta specialmènt in dal camp dal folk-rock e di muimènt cuntestatàri, 'l è stâ bòṅ ad vìnsar un Grammy Award in dal 1991, un Polar Music Prize in dal 2000, un Prèmi Òscar dal 2001 par la canta Things Have Changed da lò fata p'r al film Wonder Boys, un Prèmi Pulitzer in dal 2008 e al Prèmi Nobel par la literadùra dal 2016.

Bob e la Joan Baez tòlt śò in dal 1963

Tacànd da 'l 1962 'l à fat vgnir fóra da piò ad ssanta àlbum in du lò 'l cantàva e 'l sunàva la chitàra, al piàṅ e 'l urganèṅ.

Fra i sò pès più famóś a 'rcurdém Blowin' in the Wind, Masters of war, Mr Tambourine man, The times they are a changin’, Like a rolling stone, Ballad of a thin man, Desolation Row, All along the watchtower, Just like a woman, Knocking on heaven's door, Tangled up in blue e Hurricane.

La rivìsta Rolling Stone la 'l à mis a 'l secónd pòst dla lista di sènt mijōr artìsta, a 'l sètim in qvéla di sènt cantànt più braṿ e a 'l prim pòst in dla lista di sènt cantaṿtōr mijōr.

Culegamènt estéran