Cattive compagnie
|
C'l artìcul chè 'l è scrit in
Miranduléś |
 Bad Influence
| ||
| Cattive compagnie | ||
.png) Rob Lowe in na figùra dal film | ||
| Cumpagnìi catìvi 1990 | ||
|---|---|---|
| Regìa: Curtis Hanson | ||
| Scritōr: David Koepp | ||
| Atōr: Rob Lowe • James Spader • Rosalyn Landor Tony Maggio • Marcia Cross • Kathleen Wilhoite Christian Clemenson • Lisa Zane • John de Lancie | ||
| Müsica: Trevor Jones | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî | ||
Cattive compagnie (Cumpagnìi catìvi) 'l è 'n thriller dal 1990 ad Curtis Hanson. 'L à fat sù da piò ad dódas migliòṅ ad dòlar a frònt 'd un cóst stimâ ad sèt. 'L à anc vins al “Mystfest” ad Catòlga dal stés an.
A 'l èstar 'l è cgnusû cuma “Mortelle influence” in Cànada, “Malas influencias” in Spaggna, “Todfreunde” in Germàgna e “Influência Fatal” in Purtugàl.
Sunt
Michael Boll (James Spader) 'l è 'n yuppie ad Los Angeles ch'al gh'à 'n fradèl drugâ, Prismo (Christian Clemenson), e ch'al pénsa dimóndi a la sò caréra e a muciàr sù di bèsi. Al gh'à na muróśa, la Ruth Fielding (Marcia Cross), ch'la gh stà sèmp'r adòs parchè la gh'à in mènt sōl al matrimòni. 'L óm al vrév na prumusiòṅ in dla finansiària in du al lavóra ma al gh'à da far i cònt c'n al sò culéga Patterson (Tony Maggio), un tisi tignóś ch'al gh dà adòs e al gh in fà ad tut i culōr in ufìsi.
Na sira Michael al cgnós in un bar Alex (Rob Lowe), un ragàs ch'al sà al fat suo, e al dvènta sò amìg. Chi lò però al taca a far-ag far tut qvél ch'al vōl lò, c'l àtar al n pōl mai dir-'g ad nò cuma s'la sò manéra 'd èsar la s fus inciuldàda in dal sò sarvèl. Alex 'l al persuàd a mulàr la sò dóna par mét'r-as cun na ninéta, la Claire (Lisa Zane), pò 'l al pòrta sèg a far di furt in soquànt negòsi. Un dè Alex al dà śò dal bòti a Patterson, ch'acsè 'l è custrét a lasàr camp lìbar a Michael, pò al masa la Claire butànd al cadàv'r in un lâg.
Michael al próa a far quèl par paràr-al via da la sò vita faghénd-as jutàr par sò fradèl.