The Hole (film 2009)
|
C'l artìcul chè 'l è scrit in
Miranduléś |
 The Hole
| ||
.png) Gamble, la Bennett, la Polo e Massoglia in na figùra dal film | ||
| Al Buś 2009 | ||
|---|---|---|
| Regìa: Joe Dante | ||
| Scritōr: Mark L. Smith | ||
| Atōr: Chris Massoglia • Haley Bennett • Teri Polo Nathan Gamble • Bruce Dern • Quinn Lord | ||
| Müsica: Javier Navarrete | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
The Hole (Al Buś) l è 'n film ad scarésa dal 2009 ad Joe Dante ch'l è stâ preśentâ fóra cuncōrs a 'l 66śum Fèstival ad Venèsia.
'L à purtâ a cà un quèl da piò ad déś migliòṅ ad dòlar ma al 'n éra custâ dódas.
Sunt
Al ragasōl Dane Thompson (Chris Massoglia), un pôc arvèrs, e 'l sò fradlèṅ più pìcul Lucas (Nathan Gamble) i èṅ andâ a star insém a sò màdar Susan (Teri Polo) in na cà in dla campàggna ad New York anc se Dane al s è stufâ ad spatìnar acsè da spés. Par sò furtùna lè darènt a gh stà almànc na śuvnòta ch'a gh piàś dimóndi, la Julie Campbell (Haley Bennett).
Soquànt dè dòp in cantìna Dane, Lucas e la Julie i càtan n'arbàlta srada cun dimóndi luchét. Quànd i càt'n al ciàṿ i la vèran e i dasquàć'n acsè un quèl ch'a pâr un pós ma a n sà briśa cuś a gh sia in fónd. Qvél ch'l è sicûr 'l è che da cal mumènt lè al paùri di ragàs i càtan fórma. La Julie la taca a 'vér dal viśiòṅ dla sò amìga Annie (Quinn Lord) mòrta soquànt an prima méntar Lucas al gh'à da cumbàtar di putòć ad pajàs ch'a lò i gh faṅ scarésa. Sōl Dane 'l è parsuàś 'd n avér minga paùra 'd gnint.