Piraña (film 1978)

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Piranha
Piraña
Piraña.png
La Barbara Steele in na figùra dal film
Piràgna
1978
Regia: Joe Dante
Scritùr: Richard Robinson • John Sayles
Atùr: Bradford DillmanHeather Menzies-Urich
Kevin McCarthyDick MillerBarbara Steele
Müsica: Pino Donaggio
Lengua: Ingléś
Dürä dal film: 94 minüt
Nasiòṅ: Stat UnîUlànda


«
A gh'è quèl in dl'àqua dal lâg ad Lost River, un quèl ch'ta n pō briśa védar, un quèl ch'ta n pō minga sintìr... in fiṅ ch'l è tròp tard!»
(Tagline dal film)


Piraña (Piràgna) l è 'n film ad scarésa dal 1978 ad Joe Dante. Al gh'à abû 'n séguit in dal 1981 dirèt par James Cameron, Piraña paura, e soquànt arfacimènt.

Custâ setsènt-mila dòlar al film al 'n à pò muciâ sù sédas migliòṅ.

Sunt

In un pòst bandunâ davśèṅ a 'l lâg ad Lost River, in na vècia baś militàra, dū ragàs, David (Roger Richman) e la sò muróśa, i decìd'n ad far-'s un bagn ad nòt in na pisìna. Tut 'd un trat i sparìsan sót àqua in un mâr ad sangṿ.

L'investigadōra privàda Maggie McKeown (Heather Menzies-Urich) e Paul Grougan (Bradford Dillman), un tisi c'n al visi 'd alvàr al gòmat, i tàc'n a pascàr-i. Quànd i vōdan la pisìna i fàn'n a mènt ch'l'àqua ch'la l'impinìva l'éra salàda e 'l è 'n fat dimóndi strâṅ, difàti al siensiâ Robert Hoak (Kevin McCarthy) al gh diś ch'i militàr i éran drē a far di esperimènt su di piràgna par far in manéra ch'i fùsan bòṅ, faghénd di incróś, ad scampàr dapartùt acsè da psēr-i druàr in dla guèra in Vietnam. Adès ch'la pisìna l'è stada vudàda però chi pés lè carnìvur i èṅ finî in dal fiùm e pò in dal mâr.

Maggie e Paul i cònt'n incòsa a la pulisìa par paràr via 'l risć 'd un masèl par la gint in vacànsa ma ninsòṅ a créd a qvél ch'i dìśan. Hoak al mōr magnâ viṿ tintànd ad salvàr un ragàs in perìcul méntar na dóna, la Suzie Grogan (Shannon Collins), la ciàma ajùt. A riva 'l eśèrcit e 'l culunèl Waxman (Bruce Gordon) e la dutōra Mengers (Barbara Steele) i decìd'n ad stramnàr dal vlèṅ in dal fiùm par cupàr-i tut.

Culegamènt estéran