L'ululato

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Howling
L'ululato
Ululato.png
La Dee Wallace in na figùra dal film
Al ludlâ
1981
Regia: Joe Dante
Scritùr: Gary Brandner
John Sayles • Terence H. Winkless
Atùr: Dee WallacePatrick MacneeDennis Dugan
Christopher StoneBelinda BalaskiSlim Pickens
Müsica: Pino Donaggio
Lengua: IngléśSpagnōl
Dürä dal film: 91 minüt
Nasiòṅ: Stat Unî


«
Lì lōr i èṅ là fóra e tè 't sē in dal mèś dal tò arbgàt più brut.»
(Tagline dal film)


L'ululato (Al ludlâ) l è 'n film ad scarésa dal 1981 ad Joe Dante trat da 'l rumànś umònim ad Gary Brandner.

'L à purtâ a cà dagnóra daśdòt migliòṅ ad dòlar dòp ès'r-an custâ òṅ e mèś.

Sunt

Eddie Quist (Robert Picardo) 'l è 'n sasèṅ seriàł ch'al stramna la mòrt a Los Angeles in dal nòt ad luna pîna. Atàc a 'l vitmi chi lò, ch'l è sèmp'r adòs a la giurnalìsta televiśìva Karen White (Dee Wallace), al gh lasa di adeśìṿ cun na fàcia ch'la rid. Par pruàr a ciapàr-al, la dóna la culàbura cun la pulisìa miténd sù na trapla in un cìnema a luś rósi e Eddie al mōr durànt un scónt'r a fōg c'n al fòrsi d'l órdan.

Armàśa traumatiśàda da chi brut fat lè, su cunsìli dal psicòlug George Waggner (Patrick Macnee) la Karen la s trasferìs insém a sò marè Bill (Christopher Stone) in un sèntar mèdag in muntàgna par psēr punsàr e armét'r-as. Purtròp i sò arbgàt i cuntìnuan listés, inólt'r a salta fóra na śuvnòta ninfòmana ciamàda Marsha Quist (Elisabeth Brooks) che prima la buta 'l òć su sò marè e pò la s al gusa anc ad nòt sóta la luna pîna. I dū i càmbian aspèt dvintànd di móstar.

In cal méntar dū amìg e culéga dla Karen, la Terri Fisher (Belinda Balaski) e Chris Halloran (Dennis Dugan) i vìn'n a savēr ch'al cadàvar 'd Eddie 'l è sparî.

Culegamènt estéran