Gremlins

Da Wikipedia.

C'l artìcul chè 'l è scrit in Miranduléś Emiliàn

Gremlins

Un Gremlin malnét e visióś in na figùra dal film
id.
1984
Regìa: Joe Dante
Scritōr: Chris Columbus
Atōr: Zach GalliganPhoebe CatesHoyt Axton
Frances Lee McCainKeye LukeScott Brady
Polly HollidayCorey FeldmanJudge Reinhold
Dick MillerHarry Carey Jr.Edward Andrews
Jonathan BanksGlynn TurmanChuck Jones
Müsica: Jerry Goldsmith • Noel Regney
Léngua: Ingléś
Dürä dal film: 106 minüt
Nasiōṅ: Stat Unî


«
Qvél ch'at véd a n è minga sèmpar qvél ch'at gh'à davànti.»
(Tagline dal film)


Gremlins (id.) l è 'n film fantàstic dal 1984 ad Joe Dante scrit par Chris Columbus e prudót par Steven Spielberg. Al film, ch'al misćia dimóndi bèṅ la cumèdia e la scarésa, 'l à purtâ a cà 153 migliòṅ ad dòlar, a frònt dna spéśa 'd 11, e sinc Saturn Awards dal 1985.

In dal 1990 'l à dâ vita a 'n sèguit, Gremlins 2 - La nuova stirpe, in dua 'l fraréś Vittorio Sgarbi al dà la vóś a 'l Gremlin ch'al sà incòśa.

Sunt

Al śōvan Billy (Zach Galligan) al ricév par Nadâl un mogwai, na bistiulìna viva ch'la pâr 'n putòć ad peluche, ch'al s ciàma Gizmo. Par tiràr-al sù bèṅ a gh'è dal règhli ciàri da tgnir a mènt:

  • minga far-ag ciapàr dla luś, specialmènt qvéla dal Sōl, parchè la gh dà fastìdi e la 'l prév masàr;
  • minga rénd'r-al mój o sinò al s multìplica;
  • minga dar-ag da magnàr dòp meśanòt.

Ma tgnir a drē a cal règhli lè a n è briśa fàcil, difàti na sira la màdar ad Billy, la Lynn (Frances Lee McCain), la decìd ad far-ag na foto druànd al flash e Gizmo al pèrd la tèsta p'r un pôc ad tèmp. Ma al ròbi i vànan pèś quànd a gh vèṅ dâ da magnàr ad nòt: al mogwai al taca a sparàr via dal bucìni ad pēi ch'i dvèntan di mogwai anca lōr ma cun al Diav'l adòs, più arvèrs e rabî. Al più catìṿ ad tut al pâr Ciùf Biànc, ciamâ acsè par via dal culōr di sò cavìi davànti.

Dòp avér magnâ ad nascòst, chi lōr i s sèran dèntar a di śgabladōr par pò dvintàr di móstar vérd cun la pèla da papastrèl ciamâ Gremlins. Quél ch'i gh'aṅ in tèsta 'l è ad far dal mâl a la gint cum a sucéd anc a la pòvra sgnóra Deagle (Polly Holliday). Chi lē, ch'la n s pōl pròpria cumpatìr al canti ad Nadâl, la vèra 'l us par dir-an quàtar a chi putèṅ ch'i gh daṅ fastìdi là 'd fóra, ma la n i cata briśa parchè i éran di Gremlins a cantàr.

Pîna 'd paùra, la vècia la s sèra in cà sénsa savēr che òṅ ad lōr al s éra insfilsâ dèntar par śbragàr al sò aparéć letrònic p'r andàr sù e śò p'r al scali. Quànd lē la schisa 'l butòṅ, la sò scrana la partìs a raś butànd-la fóra par la fnèstra, cupànd-la.

A Billy e a la sò muróśa Kate (Phoebe Cates) a n gh amràgn gnint àtar da far che dar-as da far par cumbàt'r-i.

Culegamènt estéran