Template:PP/Vetrina/13

Da Wikipedia.

Artéccol in dialètt mudnés

Na figùra dal film

Red e Toby nemiciamici (a dìr "Red e Tobìa inimîgamîg", The Fox and the Hound in ingléś) 'l è 'n cartòun animê dal 1981 disgnê e prodòt da l'americàna Walt Disney Productions, vgnû pò fóra col tradusiòun anca in dal rest dal mond.

Sunt edla fóla[mudéfica la surzéia]

In dal bôsc na vólpa mèdra 'd un vulpèin, la vin masèda da di casadōr. Al só cichìn al ne gh'la cavarà brìśa 'd crèser sàinsa la mama e dòunca na vècia sivèta ciamèda Gran Ma la s al tōś a cōr e, jutèda da di èt'r amîg dal bosc, c'ma 'n paser e 'n pìć, la 'l cùcia vers la cà ed na vècia reśdóra cuntadèina, cun la sperànsa che la ṿcina la 'l tóga in cà.

Difàti la sivèta la nn'ìva mìa ragiunê mêl e la dunlèta, la sgnóra Tweed, la tōś sù la vulpèina e la s la porta dàint'r in cà. 'D lung a 'l tèimp, la vècia reśdóra la tira sù la vulpèina col lât e 'l magnèr c'ma ch'la fùs la béstia 'd cà più normèla ch'a gh'sìa e la la ciàma Red, per vìa dal pēl ròs. In cal màinter, al śvèin ed cà edla ṿcìna, al casadōr Amos, al pòrta a cà, dàint'r ind un sâc, un càṅ da casa cichìn, Tobìa, per fèrel crèser insèm col càṅ da casa più vêć ch'al steva bele lè 'd cà sēg, Naśuplòun.

El du bésti cichìni, Tobìa e Red, i s tàch'n a vèder e a śughèr e crès'r insèm.

Lèś la vóś ...