Sûg 'd ùa
|
C'l artìcol chè 'l è scrit in
Carpśàn |
I sûg 'd ùa egl'ìn dal sorti 'd budèin[1] mo indû a cóś'r insèm a la farèina a s egh mèt al mòst, o méj egli ùi cherpèdi 'd na manéra dolsa.
A s trata 'd un dōls tradisionêl del bandi emigliàni, lunbèrdi e vèneti indû, cun tùta cl'ùa ch'a selta fóra dala vendèmia, a s egh la chèva anca 'd mèt'r-en soquànta meśdèda a dla farèina a coś'r-es in sìm'a 'l fōg.
El tasi o i piatlèin ch'a s egh la chèva 'd impinìr dôp che i sûgh i s ìn infitî, i s lasen lè anc soquànt dè prìma che dôp a gh vègna però la mùfa.
Dòunca, prìma ch'i mufìsen, i sûgh i s pólen magnèr c'ma dessert, ch'egl'ìn dimòndi dōls anc se nisùn al n'gh'à mai śuntê dàint'r al sùcher.
Vōś lighèdi
Colegamèint estèren
- (IT) La descrisiòun di sûg in dal sît saperesapori.it.
- (IT) Dal risèti in sìm'a i sûg 'd ùa e a 'l savurètt in dal sît Turismo Comune Reggio Emilia.